[惡搞無極限] 就係咁，我同幾個豬朋上左大陸獵金: １６３　阿妹既童年

最後大家都得到共識，雖然阿俊同阿倫都係唔信時興隆係我阿妹，但現階段就算佢地唔信，都要同佢照送貨，而且佢地兩個又可以對佢做到Ｄ咩，講打又打唔夠佢打，講軟功我阿妹又唔會受。

「如果大家無意見既話，我就返過去先。」我話。

「咁你小心Ｄ……」阿輝行過黎然後講：「阿哥要好好睇住阿妹，你未做Ｄ不道德野。」

「仆街啦，我個腦先無你咁沔糟。」我回話。

返到去，阿妹佢坐在係床邊，然後話：「你班朋友點講啊？」





「無咩野。」我隨口答佢。

「係未架，如果係咁就好。」阿妹佢好開心咁笑住望住我，然後問：「阿哥啊，阿爸以前同你一齊既時侯，會做Ｄ咩架？」

比佢咁樣一問，我都諗左陣然後同佢講：「都無咩架，因為每次佢返到屋企我就訓緊覺，我起身佢已經出左去……」講到呢到，唔知阿妹對阿爸認識係點呢，所以我問佢：「咁妳呢，阿爸通常同妳一齊，會做Ｄ咩？」

阿妹笑得好開心講：「每次爸爸一黎睇我，我都一定會叫佢陪我去玩，會找捉魚，會爬樹，會睇星星，放煙花，好多好多架。」

黠解？點解我阿爸同阿妹有咁多好既回憶，但係同我就……





「阿妹，妳知唔知阿爸係做Ｄ咩架？」我問。

「知道。」阿妹點一點頭：「佢係香港既一個黑社會大哥。」

佢答完後，現地靜左一陣，然後大破沉默既，係我，「阿妹，不如妳講下阿爸同妳做過最深刻既野係Ｄ咩？」

「好啊。」佢興高采烈咁話，然後就係床上面彈下彈下咁坐，好似一個細佬女咁，「我記得。」

唔知阿爸，比左一個點既童年阿妹呢？