[惡搞無極限] 就係咁，我同幾個豬朋上左大陸獵金: １８４　變化莫測的心情

殺氣既擁現好似侵襲緊我，我成個人寒晒咁望住眼前既阿欣，成個人陣左起身，當然咁既動作就杠到阿妹佢跌左落地下啦。

而阿妹跌左落地下後，就話：「仲咩你起身都唔話我知啊……」然後捉住我隻手，慢慢起身。

阿欣見到咁就話：「感情好好ＷＯ你地兩個。」

我即刻甩開阿妹隻手，但無用，阿妹好快有再用我隻手借力，起左身後仲要撓住我，同阿欣講：「係架，我地兩個感情好好架。」

阿妹，你而家呢個時間出少句聲當幫忙啦。





阿欣聽到呢句，怒火已經去到臨界點，就係呢個時候，果三隻野發左神經咁衝向阿欣……「鹹柑桔！！！！！！！！！」

「砰！」「砰！」「砰！」三聲好似同一時間發出黎既聲音，係阿欣出手打暈左佢地跌左係地下既聲。

阿妹見到咁，開始起左戒備既心，而我……就起左就死既心……

「咦？」阿妹好似察覺到一Ｄ野，「阿哥啊，呢個女仔咁似你先前比我睇你女朋友Ｄ相，入面果個女仔既。」

我已經成身震晒，唔識答阿妹。





而阿欣就話：「我諗妳所講果個人，就係我。」仲係似笑非笑既笑容。

阿妹一臉恍然大悟咁話：「哦！原來係阿嫂！」佢好開心咁行左去阿欣度。

「阿嫂？」阿欣一副不解既表情望住佢，而阿妹就已經捉實佢雙手話：「係啊阿嫂，我都係岩岩先認返阿哥架乍，阿嫂你真人仲靚過Ｄ相啊。」

「真既。」阿欣笑得好開心咁答阿妹，今次既笑終於回復開心笑。

女人，妳Ｄ心情真係好似天氣一樣，變化莫測。