[惡搞無極限] 就係咁，我同幾個豬朋上左大陸獵金: １８３　殺意濃

醒晒既我呆左咁坐左係度，手中既糯米雞跌左落張枱度，我企左起身，行左出黎望住一個方向，想望真Ｄ頭先果個人，係未阿欣。

「阿哥，你又做咩事啊？」阿妹問。

但係我無應過佢，我只係不停咁搵阿欣既身影，無理由架，頭先真係見到佢架ＷＯ，唔通因為我受到鹹柑桔既衝擊太大，令到我連幻覺都產生出黎！？

「阿哥！」阿妹既叫喚，喚醒左仲發緊呆既我，「如果你正常返既話快Ｄ過黎幫手啦！」

我眼見阿俊、阿倫同阿輝三個人，將師父捉住想掟佢落街，係咁危急既情況下，竟算我正常返，都唔係幫到好多手，只可以衝過去制止佢地。





「佢地做咩咁激啊？」我問阿妹。

「仲好講，你地尋日見到果樽野之後就變成咁拿，你好Ｄ而家正常返，但係佢地三個點解字正常返架。」阿妹一臉苦笑緊。

「我唔知啊。」我答。
「快Ｄ諗方法啦，我就快捉唔實佢地拿。」阿妹話。
「我都諗唔到有咩方法……」我答。
「諗唔到都要諗……」阿妹一臉辛苦咁講。

而係呢個時候，一個身影出現在係我既面前，「阿賢，你地玩咩咁好玩啊？」係呢個時間可以問得出咁既問題，除左我果搵喪既女朋友，仲有邊個。





「阿欣！？」我望一望聲音既來源地，呢把聲我確定係佢，再望一望果樣……佢笑得好開心咁話：「我又玩！」

佢行左過黎問：「點玩法啊？」

「我地而家鬥緊大力，佢地要起勢咁掟呢個人落街，而我地要起勢咁將呢個人搶過黎後要佢坐係果張木椅上面。」我好辛苦咁答。

「知道！」佢好興奮咁話，然後一用力，個位師父比佢搶左過黎，然後比佢掟左落張木椅度。

「好野！」阿欣好開心咁係度跳，我望住佢，想起身之際有Ｄ辛苦，原來剛剛阿妹失左重心，成個人跌左係我身上面。





阿欣既歡呼漸弱，換來既係一陣殺意……佢似笑非笑咁望住我問：「呢個女人係邊個黎？」言語間充滿住妒忌。