我眼定定望住舅父,而舅父本身都眼定定望住我,然後,佢掃視左係我身邊,訓左係度既阿俊佢地,就問:「佢地三個係?」

「……我朋友……」我答,我求其答住先,因為如果要詳盡咁答佢既話,都應該要D時間。

「唔好講呢D住,舅父,點解你會係度既?」我問。

「最近跟緊一單走私案,所以未要上黎查下囉,諗住去勞斯萊斯度搵你,佢又話你同班朋友走左。」舅父答我,一聽到勞斯萊斯呢個名,我就問:「佢無野嘛?」

「佢條死仔無野啊,佢身邊仲有個幾靚既女仔睇住佢。」幾靚既女仔?舅父講緊既係MAN姐?





講講下,舅父捉左我埋一二邊同我講:「賢仔,你女朋友阿欣,有D怪……」

聽到佢咁講後,我好尷尬地問佢:「佢做左D咩煩到你啊?」

「佢做D咩唔緊要,但問題係佢份人睇唔住,連我呢個做差人既都睇唔住佢,賢仔,你自己執生。」舅父好語重心長咁講,而我都只係好尷尬咁笑左笑。

「係WO,我仲未介紹一個人比舅父你識添,快D過黎。」我捉住左舅父行去阿妹佢地度,「阿妹,快D過黎,呢個係舅父。舅父,呢個係我上度黎,認返既阿妹。」

舅父望住眼前呢個女仔,耐人尋味咁點左點頭,而阿妹就微笑住講左佢,「舅父。」





但係,呢個係未一個好時時機介紹佢地兩個識呢?
已有 0 人追稿