[惡搞無極限] 就係咁，我同幾個豬朋上左大陸獵金: １８７　比舅父查緊

阿妹對舅父好友善，但係舅父就唔係，佢對住阿妹，好明顯起左戒備既心。果三隻野醒左後，就無左發癲，佢地見到阿欣上左黎，都嚇一跳，而阿欣果陣先會意到其中一個人係果日比佢爆樽既紅毛，然後就問：「你仲未死得咩？」

阿俊佢望一望我，比左個眼神我話。

（你條女咁樣姐係串我啊。」

我好尷尬咁笑左笑，然後就問舅父野想轉移話題：「係呢舅父，你地上左黎幾耐啊？」

「幾日。」舅父答得好簡潔，而且唔係望住我講，而係望住坐我旁邊既阿妹講，阿妹比舅父望到好唔好意思咁，問我：「點解舅父會一直望住佢既？」





「我都唔知啊，可能第一次見妳掛。」我答返阿妹。

阿妹為左打破呢一種尷尬場面，所以問左舅父一個問題：「舅父上黎做野？」

「係，查案，查一單走私案。」佢好義正詞嚴咁話，「我跟緊果單案，早排果班人用條假撚炸左部車。」

「咩話！？」ＷＨＡＴ　ＴＨＥ　ＦＵＣＫ！？舅父你講笑乍掛。

「我地仲知道佢同一個叫碇司令既人運貸，我地已經起左佢其中一個總部，諗住將呢個人連根拔起。」舅父一路講一路禁佢部電話，原來係想比我睇Ｄ野，「我諗幫佢果Ｄ人係香港人，因為我見到呢一副對聯。」





我望一望張相……ＳＨＩＴ！！！呢副對聯未係我寫果副！！！

「不過呢Ｄ仲係估計，未證實。」舅父依然義正詞嚴咁講，而我地幾個已經流緊冷汗。

而當阿欣見到我地咁，就問：「你地做咩咁既樣啊……」

阿欣，你可唔可以睇下環境係點先再問問題。