[惡搞無極限] 就係咁，我同幾個豬朋上左大陸獵金: １９２　方叔叔

方叔叔，唔知呢個人係咩野人呢？我同阿爸不嬲都見得少，講心底話……近乎零，且而佢Ｄ朋友大多數都係有背境既人，我果陣咁細又點會過問度。

「方叔叔，係Ｄ咩野既人？」我問阿妹。

「我都唔知啊，我都係細個果陣先見過佢，佢係一個好搞笑既叔叔囉。」阿妹答。

「妳咁耐無見過佢，妳又知佢會係果個地方？」我問。

「我都係想碰下運氣乍，其實咁多年黎我都想去呢個地方搵佢，只不過係碇司令成人搵人睇住我，又要安排我做好多野，所以先無機會去。」阿妹答。





「但點解妳想去搵方叔叔既事唔可以比碇司令知，妳幫佢做咁多野，出個聲話想放幾日假去搵一個人應該唔難。」我又問。

但阿妹聽到我咁問，好似有難言之隱咁，吱唔下佢終於講左：「其實我覺得阿爸既死同碇司令有關。」

「下！？」我比阿妹既答我嚇左一嚇。

「所以咁多年黎，我都私底下查緊佢，但發覺佢呢個人好小心，好似已經將果一年既事，同有關既人都隔離晒，又或者被消失。」阿妹講講下，就望出窗外：「方叔叔可以話係我既最後希望，如果搵唔到佢，就以後都唔會有爸爸死因既線索。」

原來，阿妹咁多年一直都做左咁多既野，仲要忍辱負重留係一個懷疑同阿爸既死有關既人身邊，究竟我呢個妹，經歷過幾多野我係唔知？





「但係方叔叔有無留低地址比妳？」我問。

「無……」阿妹轉返個頭過黎答我：「但係佢話只要去到果個地方，話識得『方塊酥』，就可以搵到佢，叔叔話果度所有人都知道佢係邊個。」

「咁勁……」我聽完阿妹既說話後講：「方塊酥，咁三十三層未好鬆化。」