[惡搞無極限] 就係咁，我同幾個豬朋上左大陸獵金: １９３　很傻很天真

知道左阿妹點解要去果度既目的後。我就問佢：「妳諗唔諗住比佢地知道？」

阿妹諗左一陣，同我講：「咁實我都唔知好唔好話比佢地知，你覺得呢阿哥？」

我思考左一陣，雖然話比佢地知，可能會怕佢地搞亂擋，但係大家而家都共同進退緊，無理由唔比佢地知，「話比佢地知應該會好Ｄ。」呢個係我思考後既結論。

「好，咁聽日起程前我再同佢地講講。」阿妹答我，然後微笑咁話：「我覺得阿嫂真係好鐘意你。」

我用一個不明所以既眼神望住佢，然後話：「點解無啦啦會咁講？」





「頭先我同阿嫂傾計果陣，佢坐部所講既野都同你有關，好似佢既生命入面，都充滿左你既存在，而且佢好受樂你存在既呢一種感覺。」阿妹用一個好羨慕既目光望住我：「如果我都可以搵到一個可以同我一齊癲既男仔就好拿。」

「一齊癲？」我笑左笑，「妳覺得阿欣好癲咩？」

「老實講，我聽到佢同你以前既經歷，都係架。」佢開懷咁笑住講：「但係當一個女仔真心鐘意一個人既時候，先會對一個人完全表露無遺，阿嫂好幸福，阿哥，你都好幸福。」

我望一望阿妹，都微笑左一下話：「係，好幸福。」

一直以黎，我都覺得阿欣呢一種癲係一個負累，但當我呢排見到既野，仲有ＭＡＮ姐點樣放棄自己去鐘意勞斯萊斯，先開始慢慢諗，女人，對愛既犧牲係吝嗇，不過，對住最愛既人，卻會不顧一切去愛。





你可以話佢地很傻很天真，但係，呢Ｄ係另一種既幸福。