[惡搞無極限] 就係咁，我同幾個豬朋上左大陸獵金: １９７　暴走了……

係阿欣既語音地圖下，我地黎到一間……話一間大屋又好似唔係，因為呢度已經好似一個屋苑咁。

係一個類似入口前既大閘，阿欣不停咁拍打度閘大叫：「有無人啊！」

叫左無耐就有個人黎應門。

「甚麼人？」一個保安咁款既人走左出黎問。

「我地黎搵人架。」阿欣同個保安講，然後就想行入去，咁當然比個保安阻止左啦，個保安捉住阿欣，然後話：「這裡是私人地方，不可以亂進。」





「我們是來找方叔叔的。」阿妹上前話。

「甚麼方叔叔叫得這麼親切，這年頭多多少少也有像你們這樣的人來這裡說是方大爺的親戚，煩不煩啊。」保安唔係幾好老脾話，然後推左阿欣返過黎。

我望住佢呢個動作，心諗，呢次佢ＰＫ拿，阿欣想入既地方，係無人阻止到佢架，我望一望阿欣個樣，佢一臉認真又空洞既眼神，無錯，阿欣既瘋狂模式之一，認真地發癲已經啟動。

阿欣行到個保安前面，蹲低左，一手拎住個保安隻腳，「幹啥？」個保安剛剛先開口，阿欣就成個人拎起左佢，個保安好似掛蠟鴨咁比佢捉住左。

「妳……」就當個保安想出聲之際，阿欣一腳踢左去佢既頭上面，然後，個保安暈左。





「阻我者死！」阿欣暴走了……