[惡搞無極限] 就係咁，我同幾個豬朋上左大陸獵金: １９８　久違的胡椒噴霧

阿欣突破左呢個保安後，就咁衝左入去，咁既舉動，緊係引黎左一大班保安出黎啦。而阿欣，就唔知係邊度，拎左兩支胡椒噴霧出黎……

點解又係胡椒噴霧……

佢左右手各一支胡椒噴霧，行動速度十分迅速咁走去每個就要拎支槍出黎既人，直擊佢地面部。

「阿嫂好勁啊！」阿妹係我旁邊睇到阿欣既英勇行為，大叫，然後再同我講：「阿哥，阿嫂咁好，你執到啦。」

係咩……我無奈咁笑左笑。





阿欣聽到阿妹既說話後，轉左個頭望向我地笑左笑，然後拋左支胡椒噴霧比阿妹話：「阿妹，呢支比妳玩既。」

「好啊！」阿妹好興奮咁衝左出去。

而家，得返我地四個男人企左係度……

「呢篇野點解要寫到Ｄ女咁勁？」阿輝話。

「呢Ｄ唔係勁，係癲。」阿倫答。





「我只係覺得呢篇野寫到我地Ｄ男人好撚廢。」我同佢地講完後，佢地三個望住我話：「係得你廢姐，唔關我地事。」

就係呢個時候，一個大叔同一群包圍住佢既人行左出黎，睇黎包圍住佢果班人，係保護佢既人。

而個大叔一行出黎，就對住我地問：「你們來是幹嘛的？」

阿欣同阿妹見到呢一班人，就即刻衝過去……