阿欣輕易而舉咁將叔叔叔連根拔起後,就好開心咁行到我身邊話:「阿賢,我係未好叻叻啊。」

「係……」我望住我眼前既阿欣,都唔知佢呢一種怪力係點得返黎。

而阿妹就走左去方叔叔面前問:「方叔叔,你頭先做咩無啦啦跪係度啊,我地呢D後輩受唔起架。」

方叔叔搖一搖頭話:「唔係,係我對你地唔住。」

我望住方叔叔,佢一臉似有難言之隱,我問:「究就係咩野事對我地兩個唔住?」





方叔叔望住我話:「而家睇真D,你同你爸爸真係好似……」佢行左過黎打量我,而後又捉實我話:「我都好耐無見過你,第一次見你果陣,你好似係三歲。」

我唔記得三歲有見過方叔叔。

「你媽媽幾好嘛?」佢問。

「好。」我點左點頭,然後繼續問頭先我果個問題:「點解對我地唔住?」

方叔叔嘆左口氣,然後話:「不如入去先再慢慢講。」
已有 0 人追稿