[惡搞無極限] 就係咁，我同幾個豬朋上左大陸獵金: ２０３　阿福

「方叔叔，我唔明你講緊Ｄ咩ＷＯ？」阿妹聽到方叔叔既說話後不解咁問佢。

「我……都唔知應該係邊度講起。」方叔叔話。

我見方叔叔不停話想講，但又諗唔到點講，所以就話：「不如，你話我知阿爸係因咩野事而死。」

方叔叔吸左啖氣，然後話：「佢係比人陷害，食死貓，最後比另一個敵對社團害死。」

全場人而家靜晒，剩係聽方叔叔一個人講野。





「係以前，你阿爸係一個江湖上出名重義氣又係駁既人……」

無錯，又係時候想當年。

———　回憶線　———

「真係要咁做？」我眼前既方塊酥問緊我。

「老方，如果唔咁做，我地點彈起啊。」我同佢各拎住一袋西瓜。





「但係得既話就天堂，唔得既話就地獄架ＷＯ。」方塊酥好擔心咁講。

我停左我既腳步，而佢見我停，佢又停左係度，我望實佢，然後話：「咁不如我地唔好做，返去果個咩都無既單位入面，入面無野食，無熱水沖涼，無床比你訓，有既只係蛇蟲鼠蟻 ，同埋我地屙左幾日都無廁所水既馬桶，果陣味已經臭到成間房都係，你覺得果個就係你頭先口中所講既天堂咩？」

比我咁樣一問，方塊酥一Ｄ反駁既意慾都無。

「我只係知道，而家唔把握呢一個機會，我地以後都要住係果間死人房度。」我講完之後，就繼續行，而佢，都繼續跟住。

行到一個單位面前，我同佢講：「一陣掟完入去就走人，就係咁簡單。」





「好。」方塊酥回應：「炸死左條仆街就唔駛左比佢屈我地錢。」

我地兩個衝左入去，如我想像，好多人已經沖我埋呢想制服我哋，我見一個擋一個，直到我見到我地既目標，就話：「我地今日請你食西瓜。」

果條友聽完我地講既野後，仲唔知頭唔知路咁拎住個西瓜，其他西瓜就散落到通處都係，見我同方塊酥，就即刻閃人

「阿福，西瓜炸彈ＷＯＲＫ　唔ＷＯＲＫ架？」多方塊酥咁樣問之際，係我地身後面既單位，傳出一陣又一陣既爆炸聲。

我說一笑咁同方塊酥講：「你話呢？」

我，就係佢口中果個阿福。