[惡搞無極限] 就係咁，我同幾個豬朋上左大陸獵金: ２１３　長智識

阿方ＳＩＲ聽到我地咁問，笑左笑話：「個個聽到我個名都係咁問，搵人比支筆同紙我。」

一個工人比左張紙佢，然後佢係張紙寫左大大隻字後，比我地睇。

「喔！！！原來個ＳＩＲ字係咁寫架？」阿輝話。

「呢個係未真係ＳＩＲ未黎架？」阿倫話。

「係囉，我睇電影入面果個ＳＩＲ字同你寫比我地睇果個ＳＩＲ字唔同架ＷＯ。」阿俊就話。





係我地眼前，係一個我地未見過既字，但好可能我地又會成日講既字，而呢一個字，係「瀡」。

「呢個字係普通話讀音定廣東話讀音？」我問佢。

而佢將張紙放係枱上面，然後話：「呢個係廣東字黎，廣東話讀音，唔好問我普通話係點讀，我自己都唔知。」

「下？咁你係大陸做野改過廣東話字既名？」我又問佢。

「個名係我阿爸改既，又唔係我意思，況且姓名只係一個稱呼，我無咩所謂。」方ＳＩＲ都好隨性咁ＷＯ。





而方叔叔聽到佢個仔咁講後，就大笑左幾聲：「我改個咁既名，係因為想佢知道佢阿爸係香港人，想比佢接觸下廣東話既文化，所以用左一個好特別既廣東字幫佢起名。」

「原來如此。」我地幾個一臉突然明白了既表情點住頭。

「咁個『瀡』字，點解呢？」阿輝問。

「呢個就係『瀡』滑梯既『瀡』字。」方叔叔話。

原來係咁，真係長智識，所以話，如來個「瀡」字真係有得寫架。