[惡搞無極限] 就係咁，我同幾個豬朋上左大陸獵金: ２１４　查

食野果陣，阿方瀡不停咁望住我同阿妹，而我同阿妹都不佢望到好唔好意思……「方瀡，你究竟望咩野？」我問。

方瀡聽到後笑左笑，「你地有Ｄ地方都幾相似，係未兩兄妹？」

「係啊，你點知？」阿妹問。

「咁我做公安，睇人點都勁Ｄ，好易估姐？」佢然後望一望阿欣，「你有個幾靚既女朋友，真係好。」

阿欣聽到後不知幾開心。





食完餐飯，方叔叔因為要去招呼一Ｄ客人所以行開左，而方瀡就係呢個時候問我地：「你地無啦啦黎，應該唔係為左同我阿爸講聲生日快樂咁簡單掛。」

當差既果然係當差，所有野都好似逃唔過佢雙眼咁。

「其實……」我地幾個你眼望我眼咁，唔知佢口中所講果樣野，係指我地運貨後著草，定係問我阿爸Ｄ野呢？

「阿爸同你地講左叔叔Ｄ野未？」佢話。

「叔叔？」我問佢。





「志叔叔啊，你阿爸啊。」佢答我，然後好似看破一切咁望住我地成班人。

「……講晒掛。」我突然覺得我眼前呢個人好高深莫測。

方瀡佢飲左啖茶，放低左個杯後講：「你地無覺得，我阿爸同你地講既野好似斷斷續續咁架咩？」

佢咁樣一問，又好似……「都好似有Ｄ。」阿妹答。

「咁……」方瀡佢用一個好得意既眼神望住我地，「你地唔想查下咩？」





查！？你意思係？