[惡搞無極限] 就係咁，我同幾個豬朋上左大陸獵金: ２１６　窗台的閒談

當晚我地幾個就係方叔叔既屋企住，阿欣佢不知幾興奮咁係間屋入面四圍去，好似去左遊樂場咁，搞到方叔叔Ｄ工人勁辛苦，而我就不停為左佢既行為不停向方叔叔講對唔住。

另外果三個人一早就去左訓，訓到豬咁，無他既，一直以來佢地都無覺好訓，今晚佢地終於可以高床遠枕下。

而我，就同阿妹搵左一個窗台傾計，當然阿欣都係度啦，不過佢就玩緊一樣野。

「小心Ｄ唔好再整爛野啊。」我叮嚀阿欣。

「知道拿。」阿欣話。





「阿哥你同阿嫂真係好恩愛。」阿妹用一個好羨慕既眼神望住佢。

「恩愛？麻煩就真啊，妳今日都見識到妳阿嫂幾貪玩先得架。」我答佢。

阿妹望住仲玩緊既阿妹，笑一笑話：「咁都係有你係阿嫂身邊，佢先可以咁放心玩。」

「我情願佢靜靜地好過。」我答。

「係咩？你真係咁諗？」阿妹笑住講：「如果我都有一個好似阿哥咁對阿嫂既男朋友就好拿。」





我聽到佢咁講後，白一白眼，「咁果個男仔都幾可憐。」

「阿哥，你好衰。」我同阿妹就係呢個窗台度好開心咁傾計，而阿欣都玩得好安全，無大爛件野，好彩佢無整爛咋，因為第二日方叔叔話我知果件係幾百年既古董，如果阿欣打爛左，我都唔知係邊度搵返個比方叔叔。