[惡搞無極限] 就係咁，我同幾個豬朋上左大陸獵金: ２１５　公安局之約

「查？可以點查？」我問方瀡。

「其實我由一出世果陣，阿爸就成日同我講福叔叔Ｄ野，但係我案覺到佢講出黎既成件事，好似缺少左好多重要部份，甚至，有少少問題。」方瀡同我地講。

「有咩問題？」阿妹問。

「次次佢講到福叔叔去送死，但又唔講佢係點樣被人害死，但係又一直話福叔叔係比人害，自己救唔到，呢一點已經有好多隱瞞既成份係入面。」方瀡用佢既偵探頭腦分析中。

「我都覺啊。」阿輝佢竟然用一副明白既樣子回答，而我地同時都望住佢話：「你係未真係明架。」





係囉，連我都唔係幾明佢講咩，阿輝既蠢點會明。

而方瀡見到我地咁就笑左笑，「如果你地有興趣查呢單野既話，我聽日可以帶你地返公安局，因為我私底下都為左呢件事查左好多野，可以比你地睇睇。」

「下？你私底下查？咁麻煩到你真係唔好意思。」我同阿妹用好感瀲既眼神望住佢。

「你地兩個唔駛敢。」方瀡見到我同阿妹既眼神話：「我係因為本身份人比較好奇，所以好多事都鐘意查東查西，為左方便自己查野，我先做公安咋。」

呢Ｄ擺到明係為興趣而公作，真心佩服呢Ｄ人。





「咁，有得查案，未好好玩囉，我咁大個女都未試過查案架，一定好好玩。」阿欣好似未開始查已經完全進入狀態。

唔知聽日，究竟會見到Ｄ咩野呢？