[惡搞無極限] 就係咁，我同幾個豬朋上左大陸獵金: ２１８　唔知道既秘密

我合上左個檔案比返方瀡，「唔該你。」

「唔駛唔該。」佢接過左之後又打開翻左翻然後話：「呢幾年我拎返呢個檔案查，覺我件事應該無簡單，而且阿爸成日同我講既野我點都覺得有Ｄ前言不搭，所以就開始查。」

佢講完之後，停左停，笑左笑望住我地問：「想唔想聽下？」

我地幾個都點一點頭。

「呢件事後，社會上面看似無咩野改變，但其實有一個勢力快速交替左，福叔叔死左之後另一日，有一個男士都被人殺死，果個人有個綽號叫暴龍，就係同你阿爸打對台果條友。然後，有一個叫做阿碇既人掘起，佢唔單止搶走你阿爸Ｄ野，仲連暴龍，同佢自己字頭既野都搶左。而係同日，其他案件度話有一男一女係一條村度死左，仲有一個細路女失蹤，而果一男一女本身係夫妻，但分開左多年，果女既應該就係……」





「……媽媽……」阿妹喊晒話：「當年我親眼望住媽媽比碇司令殺死。」

方瀡苦笑左一下，「碇司令係一個怪人，佢有時會心狠手辣，但有時會留有餘地，我諗佢果次帶你走，就係後者。」

「我情願佢果陣殺埋我！」阿妹咬牙切齒咁講：「如果唔係，我一定會報仇。」

我安撫緊我阿妹，然後方瀡繼續，「呢件事上面，應該仲有兩個女人，兩個男人比較重要，但係我現階段只查到其中一個男人，係當差既阿志，其他三個就唔知係邊個。」

「我舅父？」我問。





「係。」方瀡點一點頭。

成件事，究竟係點？