[惡搞無極限] 就係咁，我同幾個豬朋上左大陸獵金: ２２７　阿爸葬既地方

方瀡見到我地咁本來都唔想騷擾我地，只不過佢見到遠處有Ｄ野，一定要同我地講：「阿賢，睇黎今日唔止得你地黎呢度睇叔叔，你地睇下果邊。」

我地望向方瀡所指既方向，見到既係舅父，而佢旁邊仲有一個好老既伯伯。

舅父見到我地望住佢後，佢都慢慢行過黎，「原來你地黎左呢度，點解會……」我諗舅父想問點解我地會識黎呢度，但當佢望住方瀡果陣，好似已經知答案咁。

阿妹擦一擦淚痕，「舅父，你都黎睇爸爸啊？」

舅父聽到阿妹咁問後，就答：「我每次上到黎，都會黎一黎呢度。」





「舅父，呢位伯伯係？」阿妹又問。

正當舅父想答佢之際，方瀡就搶住答：「呢位就係和平飯店既老闆。」

原來企左係舅父旁邊既就係方瀡頭先口中所講既老前輩。

「你好。」我地幾個向呢位老前輩問好，而呢位老前輩只係點一點頭。

舅父係我地打左個招呼之際，就話：「係度見到你地，不如帶你地去一個地方。」嘩，睇黎今日有好多地方要去，方瀡同舅父連續話帶我地去其他地方。





「係邊啊？」阿欣好興奮咁問。

「阿賢阿爸葬既地方，你地兩個都應該未拜過你地阿爸，不如今次去下。」舅父話。

咁多年，我都無……唔係，應該話唔知阿爸葬左係邊，就連問阿媽佢都話唔知……「好。」我周阿妹都點一點頭。