[惡搞無極限] 就係咁，我同幾個豬朋上左大陸獵金: ２３１　跟蹤

係我人生入面，有無跟蹤過人呢……有，讀書果陣有因為暗戀一個女仔而跟蹤過。再大Ｄ有無呢？都好似有，果似都係為左女仔，而果個女仔就係我而家既女朋友阿欣。咁再之後呢……我諗，就係呢一次。

我地幾個人係舅父身後幾遠下咁跟住佢。

「行到咁遠跟，會唔會跟甩架？」阿欣問。

「阿嫂，行得近就唔叫跟蹤啦。」阿妹答，但其實我想話跟蹤無遠近之分。

「阿妹，我好緊張啊。」阿欣同阿妹講。





「我都係啊阿嫂，我第一次跟蹤人架咋。」阿妹答。

而行係佢地前既既我同方瀡就話：「唔駛咁緊張ＷＯ，就當普通行街就得架拿，你地睇下阿賢，佢幾淡定，我可以肯定佢以前跟蹤過人。」

方瀡，你係點估到架呢？

舅父同果位老前輩一路行一路講野，好似無發現我地，見佢地都係好平常咁行下，有時就停低買野飲，有時就應該係老前輩坐到累想坐下，好平常，無咩特別。

「佢地做果Ｄ野其實無咩特別咋ＷＯ。」阿欣將我既心聲講左出黎，而方瀡就話：「真係無咩特別咩？佢地呢個無咩特別就已經好特別啦。」





「點解？」我地三個人不明所以咁問。

「如果真係無咩特別野要做，點解要係條街行咁耐，做咁多無咩特別既野，原因，只有一個。」方瀡突然既認真，令我地三人屏息以待佢既說話，「就係我地已經比佢發現左。」

咩話？我真係完全察覺唔到我地比佢發現左ＷＯ。