[惡搞無極限] 就係咁，我同幾個豬朋上左大陸獵金: ２３３　著草王

唔知舅父扮女人既正面係點架呢？我見到佢扮女人果陣會唔會嘔呢？我一路諗，一路跟住前面吧緊既佢地。

「舅父！點解要走啊！企係度！」跑得最快既阿欣係前面不停咁叫。

「阿嫂，你唔好咁大聲啦，嚇走佢地架。」阿妹妳係講得好岩，但係佢地一早已經比阿欣嚇親，仲有，兩個男人扮女人，仲要比人識穿左，比著係我，我都走啦。

「阿賢，你舅父都跑得幾煩架ＷＯ。」係啊，我舅父係當差架，緊係啦，但我無諗過果位老前輩眼見成七十幾歲，竟然仲咁好氣好力，跑左咁耐好似無減過速。

而我就……我就……跑到喘晒氣……





「咩人黎架……跑得咁快既……」我話。

方瀡停左企左係度同我講：「果位老前輩以前出左名走得快架。」

「走咁快，著草果陣有幫助Ｄ啊。」我話。

「就係，佢有個綽號叫著草王，佢唔只幫人著草勁，自己著草都好勁。」方瀡一臉佩服既樣子。

著草咁勁，要黎做咩，唔做錯野未唔駛著草囉……但其實我都無做錯野，而家都著緊草。





「……唔得拿……我跑唔郁拿……」就當我講左呢句後，阿欣同阿妹都返左黎。

「好唔抵啊，今次追唔到佢地，剩係剝左其中一個人件衫。」阿欣拎起左件衫比我睇。

我望住件衫，再望一望阿欣，「辛苦晒。」阿欣露出左一個好開心既表情，而我就再望一望件衫，唔知係舅父比阿欣剝左件衫，定係果位老前輩呢？