[惡搞無極限] 就係咁，我同幾個豬朋上左大陸獵金: ２３５　迫不得已既時刻

就係我想去訓果陣，舅父黎左，「阿賢，你過一過黎。」正好，我都有好多野想問佢。

我同佢去左方叔叔屋企其中一個花園度，舅父背住我，唔知，係未因為佢無膽望住我呢？」

「阿賢……」佢開聲講野：「今日老方個仔，同你去左邊度？」

佢始終都係想知我地既行程，「舅父，係講你知前，比我問左我想問既野先，好唔好？」

舅父依然背住我，但我都睇到佢點左點頭。





「點解？點解要係呢個時候話我知阿爸個神位係邊？點解一直以來你都無同我講，甚至連阿媽都無講？我以前問阿媽果陣，佢話佢都唔知，佢都好想知架！點解你唔同佢講啊！」我開始慢慢激動起黎。

「你知唔知道，阿爸走左果陣，阿媽喊左幾耐啊，果陣我記得阿媽話要上大陸搵阿爸，當佢過左好幾日返黎果陣，佢成個人都殘晒，雙眼腫晒，我問佢咩事咁樣，佢只係答我阿爸走左，問佢點阿爸點走佢答唔知，問佢阿爸葬起邊佢又唔知，就好似阿爸無啦啦咁就走左，你知唔知咁對於我同阿媽，係幾大既傷害啊！」我慢慢行近舅父。

「你知唔知今日我企左係阿爸張相前面，我諗緊咩野啊，我係個不孝子啊，我係一個連阿爸點死，阿爸葬係邊要等幾年先知既不孝子啊，我連阿爸最後一面都見唔到啊，我要阿媽成受咁多年痛苦啊，你知唔知啊舅父。」我企左係舅父面前，望住熱淚盈眶既舅父。

「點解啊？點解唔話比我地聽啊？」我再問多舅父一次。

舅父擦左擦佢既眼淚，「我都有難言之隱架。」





「咁你未講囉！你講出黎啦！」我答。

「我怕……我怕你接受唔到……」舅父話。

「我唔怕，我已經咁大個人，一定會接受到。」我答。

「再比ｄ時間我好唔好，等我覺得係一個最好既時機，我一定會講。」舅父答左我呢句後就想走。

「唔可以！要講就而家講！」我捉住左舅父唔比佢走，但係佢好用力咁甩開我，望住我慢慢後退步話：「我答應左阿福，唔到最迫不得已既一刻，我係唔會將所有事情講出黎，你就唔好再迫我啦，好唔好？」





我聽完呢句後駐足望住舅父走左。

阿爸，點解你要舅父咁做？點解你要舅父守呢個秘密而唔比我知道，仲有阿妹，佢都好想知架？點解阿爸你要咁做啊！

無力感繼續放大，我跌坐係地上面……「睇黎，你舅父真係好想隱瞞住所有人。」方瀡原來一直係呢個花園其中一個角落聽我地講野。

「點解你會係度？」我問佢。

「呢度係我屋企，所以我未係度囉。」又係ｗｏ，我問左一個好ｏｎ９既問題。

「如果舅父一直唔講，呢件事我同阿妹，甚至阿媽永遠都唔會知道。」我話。

方瀡聽到我咁講後，諗左一陣就話：「如果你舅父唔講的話，就搵其他知情既人講。」

係ｗｏ，但係其他知情既人係……「仲有咩人會知件事？」我問。





方瀡笑左笑，「我阿爸、老前輩、仲有一個人。」

「邊個？」我問。

「我聽日帶你地去見佢，呢個人，都係呢幾人先搵到，佢係以前跟你阿爸既小弟。」方瀡答。

阿爸既小弟……唔知，會唔會幫到手呢？