[惡搞無極限] 就係咁，我同幾個豬朋上左大陸獵金: ２３６　查案的運氣

無力感仍然圍繞住我，我望住眼前既方瀡，問佢：「其實，查落去係未件好事？」

方瀡好認真咁望住我話：「你知唔知我查左咁多件案，得出左一個結論係開於查案既心得，查案除左要有技巧，有精明既分析外，最重要既，係運氣，當件案自己覺我係時候要真相大白果陣，佢就會不停有好多蛛絲馬跡出理，有時你想擋都擋唔住，就好似今次咁，我查你爸爸既事咁多年，係你黎到後有好多野都突然浮左上面，呢Ｄ野，就係查案既運氣。」

佢行到我面前，拍一拍我膀頭，「可能，世伯都想件事水落石出，所以呢排先會有咁多關於呢件事既野浮面。」

真係？阿爸你真係咁想我知呢件事？但點解要用一個咁迂迴曲折既方法。

「咁……你聽日帶我去見果個人，係邊度架？」我問方瀡。





「係呢度附近，但希望唔好似今日咁，比你舅父快一步。」方瀡話：「夜拿，早Ｄ去休息啦。」正當佢想轉身走果陣，我叫住左佢：「不如，而家就去。」

可能係我既認真，令到方瀡都好欣慰喧笑左笑，「好啊，但我唔知佢訓左未。」

「就好似你咁講，如果係件事想水落石出，佢自自然然就會話我知，所以照你咁講，佢應該無訓到。」我笑一笑話。

「學野又會咁快既。」方瀡都笑左笑。

「你地兩個……」突然間，一股殺氣從後來襲，「有得玩點解唔話我知。」





死……比阿欣發現左添。

方瀡見到阿欣之後，行去我旁邊同我耳語：「阿賢，其實我想問好耐，點解你會識一個咁樣既女朋友。」

我望住佢，唔知講咩好。

「佢身懷絕世武功咁，通常有人匿埋我都會察覺到，但係你女朋友佢匿埋我真係察覺唔到。」佢又話。

「可能……可能佢咁岩經過呢……」「唔係啊，我係度好耐架拿，頭先舅父同你講野果陣我已經係度。」阿欣，你講到咁我都唔知點幫你兜。





「咁阿賢，你意思點？帶唔帶埋你女朋友去？」方瀡問。

「帶……」我望住不停比壓力我既阿欣答方瀡，如果我答唔帶，我都唔知阿欣會點對我。