[惡搞無極限] 就係咁，我同幾個豬朋上左大陸獵金: ２３９　紙永遠包唔住火

果條友終於肯正正經經咁坐定講野：「你們是想知道福大哥的事情吧？」

我地點一點頭，然後佢問：「但你們想知道他那些事情呢？」。

「我阿爸死前果幾日既事。」我同佢講後，佢突然之間臉色一沉，口中念念有詞咁不停話：「這段事我不想再說……這段事我不想再說……」

「唔得啊，你一定要講，我係佢個仔啊，我好想知阿爸死前發生左ｄ咩野事。」我開始激動起黎。

「這段事我不想再說……」果條友開始愈講愈大聲，不停四處望，而且神色開始有ｄ唔妥。





但我無理到佢既反應，走上前捉實佢後話：「快ｄ話比我知啊！快ｄ話比我知啊！」

阿欣擔心我拉一拉我，示意叫我唔好咁接近果條友，但係，我而家又點會理自己身世，係我眼中既呢個人，係可以講比我知阿爸既事，可能唔係真相，但我可以更加詳細知道。

「我不想說！我不想說！我不想再說福大哥是被一個女人打死的！我不想說！我不想說！」果條友抱頭露出一個好痛苦既表情。

「係邊個女人？佢點打死我阿爸！？」我問佢，無理度佢既反應繼續問佢。

「頭好痛啊！頭好痛！」果條友繼續抱頭，甚至，佢開始打自己個頭。





「講！你快ｄ講！」我搖住我眼前既果條友，但係下一秒，我停住左所有動作，因為眼前果條友，目露兇光咁望住我，「我都跟你說不想再說那段事情！為甚麼你還要這麼做！」果條友一講完就推開左我，隨手係佢附近拎左把利器指住我地。

「等等，你先冷靜一下。」方瀡見到咁起左身阻止，而阿欣就扶返我起身。

「是一個女的把福大哥殺了！為甚麼是那個女的！為甚麼啊！！！為甚麼！！！那個女的還向我開槍！！！為甚麼！！！為甚麼是我！！！！！」果條友開始怒吼，就好似發左癲一樣。

而係呢個時候，出面傳黎一把聲：「大寶！發生甚麼事了嗎？」

呢把聲個人雖然係講國語，但我認我出，呢把聲係舅父……舅父，點解又係你，你點解會知道我地黎左呢度……





果條友原來係叫大寶，而大寶聽到我舅父把聲之後，就推開我地跑出左呢間爛屋，我地當然追出去，一出到去，就見到已經跌左係地上面既舅父，而佢問我：「點解你地會係呢一度？點解你地要窮追不捨想知道呢件事？」

呢一刻既我，只係想追跑走左既大寶，經過舅父果陣，我同佢講：「我想知，因為我係阿爸個仔。」

舅父聽到我講後，認命咁笑左一笑，我繼續跑，而跑既途中聽到舅父話：「但你都係你阿媽個仔。」

舅父呢一句，有咩意思？

果個大寶唔知係未跑步冠軍，我追左好耐都見唔到佢個人，只係聽到佢不停叫既聲，如果唔係佢不停叫，我諗我而家無可能繼續追佢。

係我身後面跟住既有阿欣同方瀡……「阿賢，點解你今日跑得咁快既？」阿欣問，無錯，平時如果同阿欣跑，我一定唔夠佢跑，可能，係因為我心入面有一個目標先可以跑咁快。

但係，快又點，都係追唔到果個大寶。

突然，一下凄厲既聲音劃破呢個舊區既夜空，呢下聲音，係大寶。





向住聲音既方向找尋，終於搵到大寶，而大寶身邊企住既人，係阿妹。

「阿妹，點解妳係度既？」阿欣問。

「頭先去你地房搵你地唔見人，跟住去搵舅父又唔見佢係房，行到方叔叔門口見到舅父好神色慌張咁走出去，我未跟黎睇下咩事囉。」阿妹答，而我就同阿妹講：「捉住呢個人，呢個人可能知道阿爸ｄ野。」

而舅父隨後都行左過黎，佢望住我地一眾人，然後淡然咁講左句：「睇黎紙永遠都係包唔住火。」