係間爛屋入面,果條友點起一支蠟燭,係燭光下,我同阿欣都忍住我地既怒火聽緊方瀡問佢野,因為,果條友只係全程用色迷迷既眼光望住阿欣。

「佢再咁望住我,我驚我忍唔住打撚死佢啊。」阿欣好細聲咁同我講。

「唔止係妳,我都好想即刻上前打佢。」我答佢。

因為呢條友既目光真係……以我都有見過一d色情狂望女人,見過好多唔同既目光,但係呢條友既色迷迷,係整到人人都想打佢果種。

「先生……先生!」方瀡講完佢d野之後叫佢呢條友幾聲,都唔知佢有無聽入耳。





「是……」佢回一回神答方瀡,但係佢都仲係望緊阿欣。

「剛才我問你的問題,你有頭緒沒?」方瀡問。

「下?」果條友反問返方瀡:「你剛才有說些甚麼嗎?」

「仆你個街啊!」阿欣最後都係按奈唔住佢既怒火,衝左過去果條友度,不停用腳踼佢,「我忍撚得咁辛苦都係忍唔撚到!你條仆街真係極品!」

如果係比著另一個人比阿欣打,可能我會有少少同情既心,但如果係呢條友的話,阿欣,打得好。





但我眼見呢條友比阿欣打,佢竟然無露出痛苦既表情,而且仲有一種好舒服既聲音傳出,「來吧……我喜歡……」

仆街!呢條友係唔撚係人黎架!

出奇地,阿欣聽到呢條友咁講後,竟然嚇到走左去我身後面,我真係第一次見到阿欣會咁,佢係驚到成身震晒,仲同我講:「呢條友唔係人黎架……係咩野生物黎架……」佢就好似一個受驚既小狗企左係我後面咁。

我見到咁既情況,行左去果條友度,一腳踢向男人最痛既位置,果條友臉上終於露出痛苦既表情,我望一望阿欣,然後話:「下次妳見到d咁既人,妳就踢呢度拿,知唔知?」

「知道。」阿欣答。





「咁妳試一次我睇。」我講。

「好。」阿欣講完之後就不停咁踢果條友既男人最痛。

方瀡係旁邊睇到呆晒,而我,就冷眼旁觀,然後話:「方瀡,你再問多次你要問佢既野啦。」

果條友就係阿欣不停踢佢之下,聽住方瀡問佢既問題。

「這次,有聽到了嗎?」方瀡問。

「……有。」就死咁款既果條友答我地:「你想知道福大哥死前的事,我告訴你就可以,不過你先叫她不要再踢我,我快受不了了。」

咁樣踢法,唔好話你,我自己都受唔住啦。
已有 0 人追稿