[惡搞無極限] 就係咁，我同幾個豬朋上左大陸獵金: ２４５　大包

見到平叔眉頭一皺，同我講：「這個人，是最近冒起的最快的一個新進，不只出名瘋狂，最重要的是他身邊的小弟也一樣瘋狂，有很多老一輩的都被他們那一伙打掛了。」

我聽到佢既說話，無咩特別，只係笑左笑同佢講：「無論我眼前係ｄ咩野人，黎到就擋，呢ｄ係我出黎行左咁耐，學到既野，因為你唔擋，就會比人食。」

平叔聽到我咁講後，只係嘆左口氣，「希望你沒事吧，因為他們看上的人，都不會有好下場的，在我這裡待吧，我這間和平飯店有一個規舉，在店內不能有任何江湖事，不過你踏出飯店後，我就保不了你。」

平叔講完之後，就關上左門，而我就拎住佢比我既野食，開始狼吞虎嚥。

我食既係一碗簡簡單單既面條，但係感受到平叔對我果一份同情加照顧，希望可以同平叔講既一樣，我今次會無事。





訓左一覺好似無訓過既覺，望住窗外射入黎既太陽，係我今次上到黎第一次見到既陽光，唔係係未尋日落過雨，今日ｄ空氣都清新ｄ，我望出窗外，個天好藍，唔知，我仲可以睇到呢一種藍天幾多日。

我走落樓，見到平叔企左係掌櫃個位指揮住佢ｄ伙計做野。

「要吃點甚麼？」佢問我。

「點心吧。」我答。

「食甚麼點心，我這裡只有一樣東西，找人給他一個大包吧。」平叔講完就不屑咁望去另一邊。





我笑左笑話：「咁你又問我食咩。」我接過左其中一個人比我既大包，咬左一啖，「又幾好食ｗｏ。」

「當然，是我做的。」平叔好滿意咁笑住講：「出去？」

我點一點頭。

「那你要小心點，希望，可以看到你回來。」平叔話。

「一定可以，你就整多幾個大包等我返黎食啦。」我話。





行出飯店，無形既壓力係四面八方擁過黎，我環顧四周一下，發現好似有人已經監視緊我，都係既，呢到係佢既地方，就算點避都無用，所以我無打算走，就只係照我想去既目的地隨心而行，而我今次既目的地，係我好兄弟老方既住處。

我將袋好既信再拎出黎睇睇，吁左一口氣，無錯，而家搵佢可能會令到佢有麻煩，但係如果唔話一話佢知，我既心又好唔安樂，所以都係去搵一搵佢好ｄ。