「我去……今天下那麼大雨……」我迷朦咁聽到我眼前果位老伯講左呢句話,然後就問:「呢度係?」

果位老伯望一望我,然後就話:「你這小子為何吐到滿身都是?」

鬼咩,頭先著草所謂既頭等整到我嘔到仆街,然後坐車果陣開車果條友又開到坐過山車咁,想唔嘔都唔得啦。

「這裡是……」其實我真係無咩力再問落去,你條友唔好要我再問第三次。

「這裡是和平飯店,你是跑路的吧,進來,幫你開間房子吧。」呢位老伯講完後就返入去間飯店,喂,你見我嘔到仆晒街,好心過黎扶一扶我啦。





老伯係個放滿鎖匙既櫃上面是但拎左一條匙出黎,放左係枱面後話:「這間不錯啊,高層風景好。」

我好辛苦先行到枱前面,拎左條匙後答佢:「輸伏周姣。」

「你都是講廣東話吧,我會聽的。」老伯話。

我望一望條匙,上面既號碼係1437,然後老伯又話:「這一層是我們的頂樓。」

我又望一望四圍,問佢:「我點上去啊?」因為我連一部升降機都搵唔到。





「走樓梯啊。」咩撚野話!你再講多次!

「走樓梯啊。」可能因為我既眼神關係,唔駛我出聲老伯都知道我想講咩。

「行樓梯,你剛剛先話我住既地方係頂樓,我要行成幾十習樓梯先返到房?」我問,但我問完先覺得我問都多餘,因為老伯用左一個睬我都有味既眼神望住我,然後點一點頭講:「走吧。」

「可以……換另一間嘛?」我問佢。

「鎖匙一但給你,就不會回頭,這是和平飯店的規舉。」老伯好氣定神閒咁話。





「咁……」「快點上去房間休息吧。」佢話。

嘔撚到咁辛苦,仲要行咁撚多層樓梯,都唔知係未玩9我。

「老伯,你點稱呼?」我問老伯。

「叫我阿平,如果給面子的話,叫我著草王也可以。」老伯仍然係氣定神閒咁話。

行……行左……行左幾十層樓梯……先行到上自己間房……一打開房門,果陣舊房先有既味道衝左出黎。

又有作嘔既感覺,但好彩都忍到。

間房其實都唔差,只少我覺得對家我呢種情況既人黎講,真係唔差,有張床,有被,有廁所已經覺我好滿足。

我先去沖左個涼,然後換左自己帶黎既衫,訓左係床上面,望住先前果個人寄比我既地址同d相,檢查左一下,好似唔見左阿志張相既,唔知係邊度跌左呢?





「咯……」有人敲門。

「邊個!?」提起警戒心既我拎起左我準備左既手槍。

「是我,拿點吃的給你。」原來係平伯。

我行過去門度,由防盜孔望過去,真係平伯,打開門口,接過平伯比我既食物對佢講左聲:「唔該。」

「跑路的人,食飽最重要。」佢講完呢一句就問:「有甚麼幫到你的?」

我見佢都唔係一個危險既人,所以就同佢講:「其實我唔係著草,我係上黎搵人。」

「找誰。」老伯問,而我比左個名佢,佢望住搖一搖頭後話:「你為甚麼會惹到這樣的人啊?」
已有 0 人追稿