[惡搞無極限] 就係咁，我同幾個豬朋上左大陸獵金: ２５８　一疊信

係平叔既房間入面，我拎住頭先阿芳比我果塊布，望住訓左好一陣既平叔就眉頭一皺後張開眼睛。

「平叔。」我上前睇一睇佢，而佢見到我後就問我：「我睡了很久嗎？」

我搖一搖頭，平叔見到我咁後就笑左咁聲話：「我這副真的是賤骨頭，有這麼好的機會休息也不好好把握一下。」

我聽到後都笑左一下，但係望住平叔隻手，歉意湧至，「平叔，對唔住。」

平叔只係笑左幾聲，「時也，命也，我甚麼人都不會怪的，是我要救那個兔崽子，能怪誰。」平叔起身然後望住我問：「大寶呢？」





「佢無野，佢而家係另一間房度休息緊，我叫佢過黎？」我話。

「不用了，就讓他好好休息吧……我有話，想問你。」平叔問：「你能否告訴我，我女兒現在身在何處？」

又係既，如果我今次真係避唔到，話個地址比平叔聽，人佢地兩個父女團聚，加上比佢見下個孫女都好，所以，我寫左個地址係塊布度，「這個是泙兒的地址。」

平叔望住個地址，好開心同我講：「謝謝你。」

這左個地址比平叔後，同佢傾左陣計就返左房，係房入面，有我、阿志、老方、大寶，同埋阿芳。





「聽日我就要去見長恨哥，呢場必定係一場死鬥，老方，我唔想連累你同你果班兄弟，我想自己一個人去就得。」我話。

「點可以咁！我地咁好兄弟！一定要同生共死！而且就算而家唔同佢鬥，等呢件事完左後我都會買起佢。」老方答我，睇黎佢無諗過退出。

「阿福，我都唔會行開，我當差有咩大場面未見過，區區古惑仔，我駛驚佢，佢買得起我個頭，我就夠膽還佢拖。」阿志講完就將佢支點三八放左上枱面，我望住佢既眼神，睇黎佢都係望意已決，勸都勸唔到。

而呢個時候，我望一望大寶，「姐夫，你去那，我跟到那，我這條命就是你的了。」呢個大寶又真係幾傻。

在場Ｄ男人我仕部都唔擔心，我只擔心一個人，阿芳。





「聽日，妳留係度……」「唔得！」阿芳話：「我咁辛苦上黎，就係唔想你有事，我唔想你睇日去完返唔到黎，你可唔可以唔去啊？」

「果個係我阿媽黎，我唔可以唔去。」我答佢。

「咁……咁……咁我一定要跟埋去。」阿芳話。

「妳去左！咁如果妳有事賢仔點算！」我既一喝，阿芳成個人震左一震，然後，斗大既眼淚慢慢流下，佢飲泣唔敢喊出聲。

我行到佢面前，攬住佢，「你放心，聽日我會返黎，你就留係度好唔好？」

阿芳無出聲，只係推開左我走左出呢間房。

望住佢衝左出房後，我深呼吸左一啖後同另外Ｄ人講：「今晚好好訓下，聽日我地一早出發。」

話就話好好訓下，但係，有邊個會訓得著，我訓係床上面，諗係我先前寫左既信，我一封又一封咁拎左出黎，慢慢逐封逐封睇多次。





「姐夫？」大寶敲一敲我房門，「可以進來嗎？」

「可以。」我回答後佢就推門入黎，「姐夫，你在看？」

「我的遺書。」我呢一個笑容好輕描淡寫，同大寶聽到我說話後既神情好唔搭配。

「姐夫……」佢行向我面前，「明天會沒事的。」

「緊係。」我笑一笑，「有件事想交比你。」

「甚麼事？」佢問。

我將所有既信疊好，然後遞比佢，「幫我保管好，如果我真係有咩事，你就依據我信上面所寫既名，比相對應既人，可以嗎？」





大寶望住呢一疊信，點左點頭答：「好。」

原來一晚既時間，可以好短，話咁快就天光，落去大廳，同班兄弟集合後就出發，估唔到我一落去，見到第一個到左既人竟然係大寶，我見地好似無咩點訓過，望一望四圍，唔見阿志同老方既影，好少何阿志會無影，平時既佢，一定係最準時果個。

但當我聽到樓梯傳出既亂步坪，以及阿志一見到我就問既問題：「阿福，你有無見個我支槍？」

我搖一搖頭，然後就到老方既亂步及一句話：「阿福，阿芳唔見左！？」

阿芳，呢個時候妳去左邊？