[惡搞無極限] 就係咁，我同幾個豬朋上左大陸獵金: ２５９　槍聲

時間唔等人，係咁危急既關頭，阿芳妳究竟想做Ｄ咩？妳去左邊？唔會係比人捉左掛？仲有阿志支槍又去左邊呢？

但係，呢個關頭，根本無時間去諗呢Ｄ問題，「事到如今只有見步行步。」我望住眼前既四人，「你地而家想後悔唔去既話，仲有機會講。」

佢地三個只係笑左笑，呢個笑容，意重深長。

「出發！」呢一叫係我拎黎壯膽既，行出和平飯店，望住老方尋晚已經帶黎既兄弟，再望一望飯店既名牌，唔知，我仲有無機會黎呢個地方。

一下好沉重既力拍係我膀頭上面，「快手搞店後，我地就返黎大吃大喝。」老方話。





「係，今次再好好醉下。」阿志話。

「姐夫，一定沒事的，事情完了後我們就一起去找姐姐。」大寶講。

但係，佢地所講既野我無咩點聽到，因為我注視住和平飯店四個字，腦就係度諗，係未所有事都交帶好晒呢？係，咁我就可以無牽掛咁去同長恨哥好好算呢一次。

好耐都無咁多人跟係我身後面，浩浩蕩蕩向某個方向行，而家係剛剛早上日出，有好多人起經起左係大街上面行緊，但當見到我地呢班人，個個都避之則吉，睇黎佢地都知道今日呢個早晨係不安全。

我地就好似一條破浪既快船一樣，衝去邊度，果度既人群就四散，前面去路完全無阻。老方叫黎既兄弟都先後再聚集上黎，有幾個情報員過左黎，講左Ｄ野比老方聽，老方聽到後，就同我講：「我叫左人搵阿芳，但係仲唔見人，不過有消息話，長恨哥果邊亦都準備好晒，仲話今日兩邊至少都要有一人死先會停止到呢場大戰。」





我聽到佢咁講後，笑左笑，「至少一個人，唔係我，就係佢。」

「仲有，打聽到仲有一個人閩日凌晨就已經不搵緊長恨哥既下落，唔知係未想趁今次既混亂而殺佢。」老方又話。

「唔理邊個都好，今日唔會有人阻止到我同佢。」我呢一句一講完，一下槍聲劃破長空，然後聽到既，係一群人既叫聲，響徹整條街。

「到拿。」我望住眼前衝過黎既人講：「今時今日就係用刀，我地呢個江湖仲係咁老餅。」我笑住講。

「我地未又係一樣。」老方話：「用男先係男子漢！兄弟！殺！」老方一聲令下，全數人就展開呢場打嚼。





而阿志，佢就冷靜地係我身邊，「我地要快Ｄ搵到長恨哥係邊，點都要救左你阿媽出黎先。」

「無錯。」我話剛剛講完，第二下槍聲響起。

「是誰他媽的開槍！？快找他出來！不能讓他傷到老大的！」一個長恨哥既手下講，奇怪，點解佢手下會咁講，唔通，開槍果個人既敵人，都係長恨哥？

我同阿志對望左陣，我諗佢同我既諗法都係一樣。