[惡搞無極限] 就係咁，我同幾個豬朋上左大陸獵金: ２６４　月光

同舅父傾多左陣後，舅父就趕我返房，叫我早Ｄ訓，我都順佢意返房，而返到房前，我見到阿妹坐左係房門前。

我行到佢面前，而佢就抬起頭望我，「阿哥……」見佢眼腫腫咁，「訓唔著？」呢個係我問佢既，而佢點一點頭。

我陪佢坐左係房門前，而咁岩呢個窗望出去，可以望到個月光。

「今日個月光咁圓，唔係初一就一定係十五。」阿妹話，而我點一點頭，佢將頭枕左去我膀頭，然後話：「我估唔到，今日可以認返外公同舅父。」

「咁今日未係日月兩團圓。」我話，而阿妹笑左笑。





現在，靜左好一陣。

「阿哥，你係未因為諗緊你媽媽錯手殺左阿爸既野而訓唔著啊？」阿妹問我，而我點一點頭同佢講：「以前，嫲嫲有同我講過阿爸係媽媽害死，果陣我仲以為因為佢神志不清先咁講，原來，件事係真。」

阿妹佢摸一摸我塊面，「阿哥，暖唔暖啊？」

我微笑答佢：「暖啊。」

「知唔知點解咁暖？」阿妹問。





而我不解問佢：「點解？」

「因為，我地係親人囉，我相信，阿哥既媽媽對手，會仲暖。」阿妹話。

聽到佢咁講後，我深味吸左一啖，問我從頭先係公安所到而家都想問佢既野：「阿妹，妳會唔會怪我媽媽殺左妳阿爸？」

阿妹好認真咁望住我話：「佢係錯手，唔係有心，而且係果一個情況下，佢可能係用一個救人心切既心情，係睇唔到野之下開槍，所以，我唔會怪佢，更何況……」阿妹講到呢到已經流下眼淚，「佢都係我親人之一，佢都係我媽媽。」

我既眼淚都忍唔住落下，「我都係，我唔會怪佢。」





我諗，呢個就係方中瀡所講查案唔係要拉到人先破到案，真相已經知道，之後所做既事，先係關鍵。

而我同阿妹既意向都係一樣，我地，唔會怪媽媽。

突然，有一陣嘈吵既聲音打擾左我同阿妹咁感性既場面，邊鬼個啊！

我企左起身行去個窗，見到既，係阿俊、阿倫同阿輝三個人。

「你快Ｄ講頭先同你傾計果個係咩野人？」阿倫用不好既話氣向阿俊問話。

「係啊！快Ｄ啊！我地跟左你兩日，都見你同呢一類既人聯絡，快Ｄ講佢地係Ｄ咩野人？」阿輝好少何咁架ＷＯ，唔通，出左Ｄ咩事？

而阿俊咩都無講，只係一個箭步跑返入屋。

係呢個咁圓既月光下，完結左一件事，但又係另一個麻煩事既開始。