「唔知D金既去向?係咩野意思?」我好似問左個好ON9既問題。

而方叔就話:「聽阿志講,你地已經知道阿福死既事,你地阿爸交帶過我,要將呢件事係你地大過之後先同你地講,而且唔可以有另外D人知道件事。」

「咁呢件事,就係批金既事?」阿妹問。

「係,本來我想前排想搵你地兩個,但係因為碇司令條友有動作,所以我行唔開,不過而家仲好,你地黎到,又知道左阿福既事,我係時候話你地知。」方叔叔話,然後拎左一封好殘舊既信出黎,「呢封信,終於可以拆俸。」

「呢封信係?」我同阿妹一齊問。





「係你阿爸寫落既第一封遺書。」方叔叔小心翼翼咁拆開,入面既信已經泛黃,係陽光既照射下,黑色墨水筆所寫既字透光映射左出黎。

而方叔叔清一清喉嚨,開始讀呢一封遺書。

致我最重要的人:

我唔知道睇呢封信既人係邊個,可能會係我個仔,或者係我個女,又或者係我所愛既人,我想由呢一封遺書,話比佢地一D重要既事。

阿賢,你係大陸有個阿妹叫可兒,佢係一個好可愛既女仔,唔好問我幾時送個妹比你,呢D人你自己去問,你大過仔架拿,要做返個男人,唔可以似細過咁郁D就喊,做野虎頭蛇尾。我明白你突然知道有個阿妹會不知所惜,你要學會靜落黎去處理,因為,你係阿哥。





接落黎我仲要講多件事你知道,我係大陸度留左D野比你地,不過因為而家情況唔容許我用簡單既方法話比你地知道,所以我只好將線索分別寫係另外五封既遺書上面,希望你地兩兄妹可以同心合力去解讀到D信。

留比你地既野,有一批金同一D物件,同埋其他我想對你地所講既說話,希望呢幾封信有朝一日可以落到你地手上面。

阿福

「阿爸佢……佢留左D野比我地。」阿妹佢又喊拿。

而我就問方叔叔,「頭先阿爸話佢仲有寫左五封遺書,咁果五封遺書係邊?」我問,如果可以解到果五封遺書既野,就可以搵到批金,希望阿爸留比我地既線索唔會好難。





但方叔叔聽到我既問題後就搖一搖頭,「記唔記得我頭先話唔知批金既去向,就係因為我唔知另外果五封信係邊度。」

「下!?」我同阿妹既反應同出一徹。

「其實我知道阿福將D信交左比邊個,但係果個人無能力交返出黎。」方叔叔話。

「咩叫無能力啊?」我問。

「係囉,方叔叔你話比我聽係邊個,我叫佢死都死返出黎比我地。」阿妹話。

方叔叔只係好無奈地搖一搖頭話:「大寶。」

原來係阿妹傻左果個舅父度……
已有 0 人追稿