舅父交待完件事之後,我同阿妹就行左出房,臨走時我好記得方叔叔再三叮囑我地唔好唔見左條鏈,我問佢點解,佢只係話我知當年阿爸同佢講條鏈係拎阿爸批金要用到最重要既物件,但係就無講有咩用。

帶住疑問,以及阿爸比我地既一知半解既線索,可以話要拎阿爸批金,係大海撈針。

阿妹跟我返房,一返到去,阿欣就問:「點解?」

而我就同佢講:「原來,阿爸真係留左批金比我。」

「原來?」阿欣不解地望住我。





「係我十六歲果年,阿爺同我講話阿爸笛左一批金係大陸,叫我大過左後去拎,當我認返阿妹果陣,我以為名兌將批金放左係阿妹果度……」我講到呢到,望一望一臉恍然大悟既阿妹,「唔怪得知你地果陣見到樽咸柑桔會癲晒啦,原來你以為我收埋左D金。」阿妹講完後大笑到訓左係地下。

「其實當我見到阿妹拎左樽咸柑桔出黎果陣,都已經放棄左呢個諗法,果陣時真係有鬆一口氣既心情,但係,而家方叔叔話阿爸真係有留返一批金比我同阿妹,我無興奮到,只係諗緊我好唔好去搵呢批金。」講完後,我坐左係床訪,而笑到訓地既阿妹都收起左笑容同我講:「比起批金,我想去報仇多D?」

「但係……」阿欣一副若有所思,「如果拉到批金,係未會多D資本去報仇啊?」

阿欣,妳真係一言驚夢中人,我一早已經諗到但唔講,係因為枇阿妹成日諗住報仇,佢而家聽到話拎左批金會容易D去報仇的話,喧佢未……

「係WO,阿嫂你講得好岩啊。」阿妹當堂醒神晒望住我,「阿哥!我地去搵批金啦!」





見到阿妹而家咁興奮,我都唔知點樣按奈住佢,而阿欣見到阿妹咁興奮,就問佢:「阿妹點解咁開心既?搵批金好好玩架?」

阿欣咁問,呢次大鑊了。

「好玩啊,阿嫂妳都一齊黎啦。」我最唔想發生既事終於發生,「好啊!有好玩既野點珜以少左我果份架!」

「但……」我望住兩舍興奮緊既女人造:「唔係我潑冷水,我地而家咩線索都無,而且阿倫同阿輝佢地又唔知想唔想一齊去,不如問左佢地先好唔好啊?」

「好啊!我地即刻去問!」佢地兩個講完就衝左出去。





希望果兩條友仔話唔想去,咁就大家都唔去啦,但係佢地兩個見錢開眼,我睇都幾難唔去拿。
已有 0 人追稿