[惡搞無極限] 就係咁，我同幾個豬朋上左大陸獵金: ２７０　新世紀福音戰士

從阿爸住過既房出返黎，係門口再回望一次呢個地方，我諗返起以前細過果陣……

「爸爸！」我望住爸爸既背影衝過去，無理到佢而家係既野姿勢，成個人撲左過去。

「賢仔你又扭計。」我捉住阿爸，同佢講：「你又要去邊啊？」

「爸爸要出去做野啊。」佢答。

「唔制啊，你尋日話要陪我玩架，而家又要出去。」我扁咀咁話。





「傻仔，阿爸又唔係出左去就唔返黎，以後大把機會同你玩啦。」我記返起，原來阿爸都有微笑過架。

望住空無一人既房間，阿爸果次既一去不返，留低左五封遺書要我地同阿妹去搵，就算唔係為左批金，我都要搵呢五封信出黎。

「阿哥。」阿妹拍一拍我，「我地一定可以搵到果五封遺書架。」

無錯，一定可以搵到。

問左老前輩大寶既地址後就同佢告別，而果兩條友仔，阿倫同阿輝就拎住一袋二袋既野食出黎。





「你地仲未食夠咩？」我問佢地。

「唔係啊，呢度ｄ大包好好食架，你整唔整返個啊？」

大包？我記得舅父講過，阿爸都食左幾次呢度ｄ大包，我拎左個大包，分左一半比阿妹，阿妹好似知道我既意思一樣，同一時間咬左一啖試，呢一啖大包既味度，以前阿爸都食過。

本來以為要好辛苦先可以搵到大寶，點知無想像中咁難，我行到果日第一次見大寶既石屋前，但今次，有ｄ怪，而家係中午，陽光充足既情況下望入石屋入面一目了然，係搜掠過既痕蹟。

阿妹第一時間衝左入去，佢環顧左間屋一下，就話：「唔見舅父啊！」





遠處傳出一陣又一陣笑聲，但呢種笑聲帶住痛苦。

「邊個笑得咁恐怖啊。」阿倫問。

「係囉，日光日白都咁猛鬼既。」阿輝就話，佢講得無題，呢ｄ笑聲真係幾恐怖，但係好熟，有ｄ似係大寶既聲。

「係舅父把聲黎架！」阿妹一支箭衝向笑聲既來源地，而我地三個都跟左上去，見到阿妹一個突然既急停，摀住左個咀一副唔相信眼前所發生既事咁，我地跑到佢身邊，望向佢所望既地方。

大寶比人倒吊左係一棵樹上面，睇上黎佢比人打過黎，而佢身上綁左個牌，上未有一個倒十字既標寄。

「……碇……碇司令……」阿妹摀住咀講出左呢幾個字。

「阿妹，咩野碇司令？佢搵到黎？」我問佢，而佢好驚口窒窒咁講：「佢……佢派左二號機黎啊……」

下？咩野二號機啊？佢叫碇司令姐，唔通佢係新世紀福音戰士咩！？