我地一行四人去和平飯店度,點解去果度?因為我地唔知大寶佢可以去邊度搵到。無錯上次係同方中瀡佢去過大寶到一次,但係我都無記過條路點行,阿妹佢都無,所以我地決定搵老前輩,亦姐係阿妹既外公問下大寶會係邊。

去到和平飯店,老前輩一見到阿妹緊係好開心啦,即刻招呼我地食好多野,比阿倫同阿輝呢兩條友賺左添。

食食下,阿妹就問今日黎既目的,「外公啊,其實我想搵舅父問d野啊,你知唔知邊度可以搵到舅父啊?」

老前輩聽到後,微笑左一下話:「你們是不是想問關於阿福留下來的東西??」

下?老前輩又知,其實呢件事有幾多人知架。





聽到佢咁講以為係件好事,因為如果佢知道既話,就唔駛去問個腦有問題既大實,問佢的話我真係驚咩都問唔到,但如果係老前輩的話,點都會知d掛。

「我只知道阿福將一些東西交給了大寶,但是不知道那些東西放在甚麼地方。」講左等於無講,「你們都是去問大寶吧,不過你們要想些方法去問,因為我以前也有問過他,但是他說了一些奇怪的話,都不知道是甚麼意思。」

咁就死火啦,而家最重要既線索係晒大寶度,如果問唔到既話,我同呢枇金真係無緣。

但就係我失望果陣,老前輩講左d野轉移左我既注意,「你們兩個想不想看一下阿福的房間啊?」

我同阿妹聽到都即刻答佢:「好啊。」而阿倫同阿輝佢地就繼續食野,理都無理過我地。





我地行左幾多層樓,終於去到間房前,老前輩望住度門同我地講:「自從那次後,我也沒有把這間房間租出,不過我閒時也有進去打掃一下。」

門一開,有一種好特別既味衝左出黎,我同阿妹跟住老前輩行左入去,「你們的爸爸住的房間就是這樣。」

好簡單既設備,就好似舅父果陣係公安局話我知既野一樣,我望住果張枱仔,阿爸就係果度寫遺書比我地。

我行到枱仔前,枱仔係用木造,用手摸住上面既紋,感受唔到阿爸既感覺。

阿爸,你到底留低左d咩野說話比我地,我聽完舅父、方叔叔同老前輩講你以前d野,我先察覺到,身為你既仔既我係一個完全唔了解你既人,我好想了解你,我好想搵到果五封遺書,我諗你一定會係遺書上面寫左最想同我以及阿妹講既說話。





阿爸,你顯靈幫下我同阿妹快d搵到果五封遺書啦。
已有 0 人追稿