[惡搞無極限] 就係咁，我同幾個豬朋上左大陸獵金: ２７２　我的決心

有驚無險地返到方叔叔既屋企，方叔叔見到我地咁，都好擔心我地同即刻叫左醫生過黎睇阿妹，當然佢緊係有問我發生咩事啦，而我就將所發生過既野都話比方叔叔聽。

「睇黎，阿碇呢個仆街開始行動。」方叔叔話：「但點解佢好揀唔揀，要揀係你地知道左阿福留左野比你之後先搵你地？」

佢咁樣問，我都覺得奇怪，「又係ｗｏ，佢平時都可以好打大寶問佢野，但點解係要我同阿妹知道左之後先咁做？」

方叔叔臉色一沉，「可能，佢派左人係我地身邊睇住我地。」

「唔會掛。」搞到我都開始擔心。





「阿碇呢條友好鐘意出二五仔呢招架，當年佢幫長恨哥果陣就係出左名既二五仔，然後佢反左長恨哥就係靠佢Ｄ二五仔，所以唔排除你身邊有人係。」

唔通，真係方叔叔所咁講。

阿妹佢最後訓左半日先醒返，一醒左佢仲係度大叫，「啊！！！！！」

坐係佢旁邊既我比佢嚇左一跳，「阿妹，無事拿，有阿哥係度，唔駛擔心。」我安慰佢咁話，而阿妹就好似一隻受驚既貓仔一樣，成身震晒話：「碇司令話會死人，就真係會死人架拿。」

「唔駛擔心，我地一定會無事既。」我答阿妹。





「不如……我地……」阿妹佢欲言又止咁咁，雖然佢無誚出口，但我知道佢想講咩，「唔可以，阿爸既五封遺書我一定要搵到。」

「但係，我唔想再有親人死係我眼前。」阿妹話。

「而家先係開始，碇司令佢剉我地銳氣咋，妳都想為妳媽媽報仇係未？」我問佢，而佢點左點頭，「不過，我就話可以保護自己姐，阿哥你……」

「咩啊？妳咁講係睇少我咁話啊。」我話講笑咁話，但佢好認真咁講：「真係會死人架。」

係，真係會死人，點解我無啦啦會有咁大既勇氣既？我以前唔係想安安份份做個普通人架咩？而架話會死人ＷＯ，我應該好驚先係架。





「我唔怕。」呢句話竟然係由我把口講出黎，「我唔想一生平平無奇咁過完就算。」我諗，係我聽完阿爸Ｄ事後，我成個人都唔同晒。