阿妹佢臉帶難色望住我,「咁……咁好啦。」其實我好想知道佢所講既二號機,同碇司令既衛兵係D咩野,但係見到阿妹一見到果個咁似明日香既女仔,就驚到連報仇既念頭都想打消果陣,就無謂再問佢。

至於方叔叔所講既二五仔,近排阿倫同阿輝成日都話阿俊成日同其他唔同既人見面,唔通……都係等阿欣返黎再睇下點。

阿妹醒左後,跟住大寶都醒左,佢係間房度大吵大鬧,所有人都控制唔到佢,但當大寶一見到阿妹之後,成個人就靜晒咁望坐阿妹。

「姐姐。」大寶叫我阿妹做姐姐。

「舅父,我唔係你姐姐啊。」阿妹話。





「你係姐姐啊,你係姐姐啊。」大寶一邊講一邊行到阿妹面前。

我同阿妹都好不解咁望住佢,而在場既舅父就話:「可能可兒個樣似佢阿媽。」

大寶不停叫住姐姐,不停咁講:「姐姐,我講D野比妳知。」佢就行埋去阿妹耳邊講,不過佢既聲線連我都聽到:「我有五個秘密話比你知啊。」

「係咩啊?」阿妹問,然後大寶望一望我地幾個,「我剩係講比妳一個聽,唔想話比佢地知。」

點啊?係未真係咁秘密啊,「無問題,我地出去,阿妹同大寶你地慢慢。」





行左出去,方叔叔就話:「唔知大寶所講果五個秘密,會唔會同你阿爸留比你既五封遺書有關。」

聽佢咁樣一講,又真係有可能WO。

而我地等左一陣,阿妹就出左黎,「點啊?」我問佢,而阿妹就話:「佢叫講左個五個秘密我聽,而且佢叫我幫佢搵。」

「係未五封遺書啊?」我問。

「佢叫我搵五個女人。」阿妹話。





點解無啦啦又出現左五個女人架。
已有 0 人追稿