[惡搞無極限] 就係咁，我同幾個豬朋上左大陸獵金: ２７８　大叔的條件

就如同阿妹所講，今次，佢都跟埋黎，我地三個企左係火焰山前，「就係呢度？」阿妹問緊企左係佢身後既我同阿欣。

「係啊。」我答佢。

阿妹深呼吸一啖，「……入去。」

無錯，其實入火焰山係好簡單既事，只不過係留唔留到係入面，我同阿欣跟住阿妹入去，果位大叔仍然坐左係個櫃臺前面月睇緊鹹書。

「係你地兩個啊，今次又帶多左個人黎，咩啊，以為人多我就吹唔走晒啊，我照樣吹晒你地出去啊。」個大叔話。





而阿妹就向住位大叔慢慢行過去。

「唔好再行近拿細路女，我真係會吹妳出去架。」大叔擺出一個就要揮手既手勢。

而阿妹聽到大叔咁講，都識趣咁停左落黎，然後話：「大寶舅父叫我黎搵你。」

果位大叔聽到後，望一望阿妹，「都未聽過大寶有個兒甥女。」

「我都伙近排先認返舅父。」阿妹如實咁話佢知。





果位大叔上下大量左阿妹一下，然後笑左一聲後，「咁仲死，都唔知妳係未呃我，白撞既。」

「咁你要點先信？」阿妹問，不過友叔無理到佢呢個問題，反問返我地：「你呢個答案遲下先答你，不過我想知道，點解你地係都竹黎呢度？」

「因為我見到我朋友入左黎囉。」阿欣話，然後又匿返去我背後。

大叔將目光又放返本鹹書上面，「你果位朋友，對你地好重要架咩？」

「少少，因為佢呢排有Ｄ野瞞住我地，所以我地先跟蹤佢，我女朋友跟到呢度，就唔見左佢。」我答佢。





「原來係諗住捉二五仔。」大叔不肖咁話：「唔知ＷＯ，無見過呢個人ＷＯ。」

「我明明就見到佢入左黎架。」阿欣不憤咁講，但係當大叔又擺出左揮手既資勢後，阿欣就停口。

「唔好話我唔比機會你地，我都好耐無見大寶，如果你叫到佢黎，我未話你知你朋友去左邊囉。」大叔講完後望住我地，「條件就開左，走啦。」講完後，佢手一揮……係啊，我地又比佢吹左出黎。

「駛唔駛次次都吹我地出黎ＷＯ。」阿欣唔好氣咁話。

「阿妹，佢話要帶大寶黎，咁……」我問阿妹，而佢就話：「如果呢個係佢開左黎既條件，就試下啦，我有預感，呢個人會知道阿爸五封遺書既下落。」

「好，大寶傷左後就比方叔叔放返和平飯店，我地就去飯店到搵佢，順便問下老前輩識唔識呢一位大叔。」