[惡搞無極限] 就係咁，我同幾個豬朋上左大陸獵金: ２７９　帶我去

我地三個人黎到和平飯店搵老前輩，一去到我就已經將件事話左比佢知，而老前輩就同我地講：「你們說那個有鐵扇公主剌青的人，是大寶以前的好兄弟。」

如果係咁既話，帶埋大寶去搵佢，咁未可以問下阿俊Ｄ野，仲可能問到阿爸個五封遺書Ｄ野ＷＯ。

「外公啊，果個人其真係個點既人黎架？阿哥話佢好似識法術，可以用怪風吹走佢同阿嫂。」阿妹問老前輩，而老前輩就答佢：「這個世上奇人異事實在太多，我只是聽他說過自己是『咒紋人』，世上還有很多這一類的人。」

「真係會用到怪風架？如果佢肯幫我地手，就女以好易咁打低碇司令果班人。」阿妹講既野都有Ｄ道理。

不過，老前輩聽到佢咁講後，搖一搖頭，「他們這幫人，不問江湖事，也不屑於過問江湖事，所以他不會幫手的。」





又會咁怪都有既，有咁既本事，但就唔幫手。

「咁舅父話叫我幫佢搵果五個女人入面，其中一個係鐵扇公主，會唔會就係呢個人？」阿妹呢個問題係問老前輩，而老前輩只係搖頭話唔知道。

老前輩話我地知，大寶佢返左黎後就不停咁話要去阿爸以前住果間房度訓，所以我地就上去果間房到搵大寶。

門一開，大寶好似一個受到驚嚇既細路咁匿埋左。

「舅父，係我啊。」阿妹用好溫柔既語氣佢講，而大寶見到我阿妹後露出左一個天真既笑容。





「姐姐，那麼快又來找我嗎？」佢好開心咁走向阿妹，但當見到我同阿欣之後，就慢慢向後退，可能，佢驚左我同阿欣。

我用眼神示意阿妹上前同大寶講，而阿妹都諗住咁做，一上到去，阿妹就話：「舅父，我地拉到鐵扇公主拿。」

大寶聽到阿妹咁講後，好開心咁話：「帶我去，帶我去。」

估唔到唔駛我地請，大寶已經叫我地帶佢去，而且，佢仲造：「帶我去火焰山，我很久沒有去那裡了。」

睇黎，阿爸個五封遺書可能有Ｄ轉機搵得返。