[惡搞無極限] 就係咁，我同幾個豬朋上左大陸獵金: ２９４　條件

「小姐，醫院裡是不可以吃味道這麼濃烈的食物。」一個護士手掩住鼻話。

「護士小姐，妳在說甚麼？妳掩著口說我是聽不到喔。」武則天開懷咁大笑，而小男孩都係一樣，笑得不亦樂乎。

武則天叫左佢Ｄ手下拎左好多榴槤到醫院，榴槤既味充斥住醫院既四周。

「這個味道可以吧？」武則天問小男孩，而小男孩就點一點頭，「幸好你喜歡榴槤。」

「但是，我現在不可以吃……」小男孩望住Ｄ榴槤話。





武則天見到佢咁樣，就行左過去，「等你好回來的時候，就讓你天天吃好不好？」

「真的嗎？」小男孩問。

「當然。」武則天答，不過佢深深明白，要小男孩好返，談可容易。

而佢而家有咁既能力，都仲未搵到一個岩小男孩既骨髓，小男孩既病一日復一日，身體無好轉過，而且，就開始變差。

直到一日，武則天照樣黎到醫院，而醫生就同佢講左件事，呢件事，另佢苦心思量左好耐。





「武小姐，我已經找到一個適合的骨髓，不過，有一個條件。」醫生既說話，令武則天燃起左希望，「甚麼條件？」

醫生拎左一張紙出黎，同佢講：「妳去這個地方吧，那裡的人，就會對你說他要的條件。」

拎到咁既地址，武則天緊係好開心啦，佢即刻叫齊Ｄ手下係醫院外面等佢，然後就好快咁走到小男孩既病房。

武則天去到病房，小男孩正係到安然入睡，佢行到床邊，輕撫住小男孩既頭，「終於找到醫好你的骨髓，無論任何的代價，我也要把你醫好。」武則天講完後，就走出左病房，「等我。」

佢率令住一眾人去到一個荒廢左好耐既屋。





「當家，約在這了聊事，一定不是甚麼好人。」著住一身皮衣既頭盔男話，而武則天聽到後就笑左笑答：「我們也不是善男順女。」

步修屋後，就如頭盔男所講既一樣，一大班人已經等緊佢地。

「就是你們有我想要的東西吧。」武則天向全場既人大聲咁問左一句。

「是，沒錯。」聽到聲音，但搵唔到係邊個講。

「醫生說，你們有個條件，說吧，錢的話不是問題。」武則天快人快語回應，而講說話既人，慢慢行左出黎，「我想要的，是另外的東西。」碇司令慢慢行左出黎，望住武則天。

而武則天見到碇司令，都有少少詫異，佢地有個一面之緣，但武則天憑果一面之緣都知道呢個人唔係咁簡單。

「是甚麼東西？」武則天問。

而碇司令就冷笑左一下話：「我要的，是那個人的遺書。」