[惡搞無極限] 就係咁，我同幾個豬朋上左大陸獵金: ２９３　武則天

「那一年，是我最開心的一年，也是我最傷心的一年。」小男孩慢慢講出果一件發生既事。

———————————　呢次回憶唔會太長　—————————————

穿著一身皮衣既人係高路上飛馳，佢無理過迎面而黎既車，只係顧住坐係身後發緊高燒既仔。

「就快到醫院。」佢不停講出呢句話，而坐係佢身後既小男孩點住頭回應。

到達醫院，著住一身皮衣既人拎開頭盔，原來，係一個女人黎，佢急忙地將頭盔扔左一邊，然後抱起左佢個仔入醫院。





「醫生！」佢大叫左幾聲後，就有人過黎幫手，「我的兒子有發高燒了……」呢個女人一臉既擔憂。

「小姐，交給我們吧。」姑娘接過佢兒子後，呢位女人就跟住佢地，直到急症室既門外先停低。

其實咁樣既情況已經好幾次，但係呢個女人每次既心情都係一樣地沉重，呢個當然，因為，入面果個係佢個仔。

佢焦急地望住眼前掛係牆上既鐘，一秒一秒咁過去，然而，呢個時候醫院外出現左好多既電單車，佢地一架又一架咁停低後，所有既人都衝左入呢間醫院度。

「武當家，少爺他沒事吧。」帶頭走入後既人問住呢個女人，而呢個女人收係慌張既表情，一臉沉重地答：「不知道。」





呢個女人，就係一稱武則天既飛車黨當家，亦姐係大寶當年將其中一封遺書交托保管既人。

過多左陣，醫生出左黎，武則天走到佢面前問：「我兒子沒事吧？」

醫生摘下口罩話：「是沒有大礙，不過他本身身體毛病就不少，最好留在醫院觀察一下。」

然後，醫生將個頭湊到佢耳邊講：「小男孩是在等骨髓，我看愈快愈好。」

武則天聽到後，無奈地答：「我也知道，正在找。」





「我這邊也幫妳看一下，如果有的話，可以跟妳私下聊聊。」醫生話。

「好的。」武則天答。

其實骨髓係可以由親人果邊抽取，而且吻合既機會大好多，只不過，雖然武則天話呢個係佢既仔，但實情，佢只係呢個小男孩既後母。

而呢個小男孩，隨左佢之外，就已經無任何親人。

武則天散開左班飛車黨後，走去睇佢個仔，入到房，武則天見到虛弱既兒子，眼角既眼淚已經忍唔住流左落黎。

每次，佢都係咁。

佢行到床邊，輕撫小男孩既頭，而小男孩感受到如此既觸感後，張開眼睛，「媽媽……」

武則天微笑左一下，「醒了？」





小男孩點一點頭後，問佢：「我又要住院嗎？」

武則天點一點頭，而小男孩就扁起咀，武則天知道小男孩既性格，佢同小男孩話：「我知道你不喜歡醫院的味道，不然後又像那一次一樣，好不好？」武則天賊笑了一下。

「真的嗎？」小男孩聽到後，好開心咁笑左出黎。

唔知，武則天會點做呢？