[惡搞無極限] 就係咁，我同幾個豬朋上左大陸獵金: ３０９　轉戰英紅吧

「你可以再清楚少少講多次個地方係邊度。」我再三向阿俊確認。

「係『英紅吧』。」阿俊好認真咁話。

「你講既『英紅吧』，係英文既『英』，紅色既『紅』？」做人都係小心Ｄ好。

阿俊聽到我咁問後就點一點頭話：「係，就係勞斯萊斯果間。」

實在係太突如其來拿，呢個消息實在係太震撼，如果真係好似阿俊所講咁，有其中一封遺書既還珠格格係英紅吧的話，未姐係我曾經同阿爸封遺書擦身而過！？





但係諗一諗，之前去英紅吧，仔多過女……唔係，可以話係無女先真，除左果位好男人既ＭＡＮ姐外，真係睇唔到有其他女性既存在。

但係又諗多諗，先前鐵扇公主都係個大叔黎，咁呢個還珠格格可能係男人都未定，「阿俊，個還珠格格係女人？」我問佢。

而佢就答我：「還珠格格個名咁女人，就緊係女人啦。」

「唔係架，先前我收到消息叫我搵五個女人，但搵一個原來係個大叔，一個紋左個女人上身既大叔啊。」我答阿俊。

「唔撚係啊，男人老狗紋個女人上身都有既……」阿俊露出一個厭惡既眼神。





見到佢咁，我無謂多講著去，如果真係女人既話，唔通ＭＡＮ姐就係還珠格格！？唔排除有呢個可能性，但如果唔係，我地充要去英紅吧搵下。

點都要去英紅吧，好，等阿妹醒返後，我地就轉戰英紅吧。