[惡搞無極限] 就係咁，我同幾個豬朋上左大陸獵金: ３１０　退出？

返到房，見到阿妹已經醒左，但係佢就好驚咁抱膝坐左係床角度，好似唔想同其他人講野，我見到佢咁樣，就問阿欣：「阿妹做咩事？」

「頭先佢一醒左果陣，就好似發晒左癲咁四圍亂抓，又大叫唔好，話會乖，唔好再比佢見到呢件事發生，然後再見到ＥＥＹＯＲＥ件衫，就即刻攬住佢坐到床角度。」阿欣一講完，我就再望一望阿妹，見佢抓到件ＥＥＹＯＲＥ好緊。

我慢慢行過去阿妹度，「阿妹……妳無事嘛？」但係，當我接近佢少少，佢就發晒癲咁大叫：「我會乖拿，求你唔好咁做啊，唔好咁做啊。」

究竟阿妹發生左Ｄ咩事會變成咁，佢而家就好似一個失左神既小孩子咁，只係抱住個ＥＥＹＯＲＥ唔肯同其他人講野，直到，佢見到一樣野。

「點解……你會有條頸鏈既？」阿妹佢問我，我望一望戴住既頸鏈，同佢講：「係阿爸留比我架，妳都有一條。」





「唔係！係你搶左我既！」佢慢慢行近我，點解，阿妹好似變到唔識我咁。

「真係我架，妳睇下自己條頸，戴住同我一樣既鏈架。」我講完後，阿妹就摸一摸自己條鏈講，「係ＷＯ。」佢打開左條鏈，打開左後望到入面既全家福後，「媽……爸……」只係講左呢兩個字，佢就暈左。

我行前扶住左阿妹，見佢眼角仲流緊眼淚，佢雙手因為頭先緊握得好緊要，指甲都整左Ｄ血痕出黎。

暈左，對佢可能都係一件好事。

「阿賢，而家點啊？」阿欣問我，而阿倫同阿輝都望住我，等緊我既答案。





「阿俊，已經講左下封遺書既去向，如果阿妹好返Ｄ，我地就會去。」我答左後，阿倫就話：「阿俊人會跟埋去？」

我先望一望阿俊，然後再望住阿倫點一點頭。

「呢個人係二五仔黎架，你仲帶埋佢一齊去，係未想死啊。」阿倫問我。

「佢都係因為有把柄係碇司令手上面，所以先……」「你都識得講啦，有把柄啊，所以佢可能會再出賣我地架。」阿倫講既野唔係無道理，但係頭先同阿俊已經商量好，佢比情報我，我就比阿爸留比我既野，比佢同碇司令交代，所以，我就同阿倫講：「我知道接落黎既路可能好危險，所以你地可以選擇係度就退出。」

唔知，佢地會點揀。