[惡搞無極限] 就係咁，我同幾個豬朋上左大陸獵金: ３２８　歸來

究竟點解會咁樣？係唔係阿妹同還珠格格都一齊去學開車？點解佢地兩個人開起車上黎咁似既，好似唔駛理四圍既人，鍾意點開就點開。

「估唔到妳開車都咁好玩！」阿欣不停既歡呼，每到還珠格格不時回頭望佢，而我，就只想佢好好地望住前面開車。

而開到中途，我就同還珠格格講：「其實，英紅吧已經被碇司令佢炸左，點解要返英紅吧？唔直接會信勞斯萊斯佢？」

還珠格格聽到後，就話：「我有Ｄ野放左係間既既地牢，而呢樣野一定要拎返，好重要，而且同你有關。」

同我有關？唔通係阿爸留比我既遺書？聽到佢咁講後，我無再講野坐左係度，而好快，就到達被炸英紅吧。





還珠格格一落車後，望住已經被炸到頹垣敗瓦既英紅吧，深呼口左一口氣話：「估唔到上次既決別後，返黎竟然係咁既境況。」

佢慢慢走入呢一堆頹垣敗瓦，望一望四周圍，回想相，佢係英紅吧既每一件往事。

然後，佢向住一個仲屹立不倒既櫃行過去，推開左佢，原來呢個櫃下面，藏左一道木門，一道通往地牢既木門。

佢望一望木門後，就同我及阿欣講：「呢個木門，阿文同勞斯萊斯都唔知道架。」

竟然！！！唔通呢個木門藏住咩野大既秘密？