[惡搞無極限] 就係咁，我同幾個豬朋上左大陸獵金: ３２９　油畫（補返更新）

木門打開後，還珠格格就示意我地跟埋入去，行到過去，見到既係一條向下行既樓梯，無燈，好黑，不過下方有一個光源射出黎，我地就係跟住呢一線光行過去。

慢慢落，光源漸大，直到見到還珠格格企係一道鐵門旁邊，然後同我地講：「你地唔駛咁擔心，入面無咩恐怖野，都無咩特別野，我拎既只係一張紙。」佢講到呢到就望住我話：「不過應該唔係你阿爸巴遺書。」

「點解……」我都未講出口，佢就話：「我係做情報既，想知既一定可以知道。」

佢推開左門，然後話：「跟住黎。」

鐵門後既世界，只係一個好普通既房，入而有好幾個櫃，好幾個檔案櫃，仲有一幅油畫，係一家四口既畫。





還珠格格行到某個櫃後，拎左張紙，然後行到我面前遞比我話：「呢度，係所有遺書既地址，我唔知呢Ｄ地址仲有無效，希望可以幫到你。」

我一聽到佢咁講後，就接過左地址，上面有五個地址，每個地址旁都有個名，鐵扇公主同武則天都係上面，其中一個係英紅吧。

見到英紅吧封信後，我就問：「阿爸其中一封遺書，係英紅吧？」

「曾經係。」還珠格格話，而我聽到後就不解地問：「點解係曾經係？」

還珠格格嘆左口氣，然後話：「好幾年前，我將英紅吧交比勞斯萊斯出走，係為左兩件事，一件，就係搵其餘四個人既下落，令一件，就係搵當年阿碇實行計劃既原因。」





「阿碇係？」我問，而還珠格格行到油畫前，反問我地：「係答你地問題前，我想問你地一個問題。」

我平心靜氣地等還珠格格問呢個問題，而佢都好快問左出黎，「如果你地發現，你地既親人殺左令一位親人，會點做？」佢仍然望住幅畫，無奈又可笑地望住幅畫。