[惡搞無極限] 就係咁，我同幾個豬朋上左大陸獵金: ３３４　飛燕還巢

聽完還珠格格講左咁多我唔知既野，同埋佢比左所有拎左阿爸遺書既人名清單後，我地就從地下室上返地面，而係上到地面前，還珠格格再三叮囑我同阿欣：「頭先果Ｄ說話，我希望就只有你地兩個知道。」

我同阿欣向佢點一點頭。

而當我地上到地面果陣，見到一大班人，而果班人當中，有ＭＡＮ姐同勞斯萊斯。

「格格終於返黎拿！！！」「小燕子回來了！！！」還珠格格面對眾人既歡呼聲，不慌不忙咁高舉手，然後話：「各位，咁多年來要你地幫我睇住呢個地方，真係辛苦你地。」

我望住呢班人，心目中只有一個問題，佢地又會知道還珠格格返左黎既，而勞斯萊斯呢個時候行到我身邊，同我講：「我係你既電話上面裝左追蹤功能，你走到天腳底我都可以搵到你。」佢仲同我單左下眼。





「但係我返英紅吧，都唔代表我搵到你地前老闆架ＷＯ。」我話，而ＭＡＮ姐都行左過黎話：「咁你返黎一係搵到，一係搵唔到，我地點都要開估，都要過黎架啦。」咁佢又有佢既說理。

我望一望四周既人群……「阿賢，你係度搵咩野啊？」阿欣問我，而我就答佢：「點解唔見阿妹同阿俊既？」

「佢地好似未返黎。」勞斯萊斯答：「放心啦，佢地咁大個人實無事既，況且時興隆係有本事既人，佢一定返到黎。」

咁勞斯萊斯都講得好岩，不過，我而家知道阿妹既事後，點都會對佢有小小著緊，因為我唔知佢幾時會受到傷害，另到佢人格轉變再度暴走。

而係還珠格格果邊，一大班人不停咁對佢認錯，「格格，都係我地無用，守唔到英紅吧。」





還珠格格只係微笑左一下，然後走到果塊被炸到焦炭咁既牌，果塊寫有英紅吧三個字既牌，拎起佢然後話：「英紅吧唔係咁易就可以被炸毀，我會親手將英紅吧重建出黎。」

各人聽到還珠格格咁講後，都歡呼起上黎。