[惡搞無極限] 就係咁，我同幾個豬朋上左大陸獵金: ３３３　小熊維尼

點解呢個還珠格格咁多問題架……佢用緊好認真既眼神望住我，其實我一直都唔想阿妹佢去報仇，因為我好相信冤冤相報可時了呢句說話。

但唔知點解，聽完佢講之後，我果得已經唔係報仇既問題，而係跟本係碇司令佢為左阿爸既野咬住唔放。

一個髮夾，整到咁大件事？呢個髮夾真係對佢好重要。

但其實，髮夾我可以唔要，唔知可唔可以同碇司令傾掂數就可以唔駛咁多野煩呢？

「喂，你諗完未啊？」還珠格格催我，而我就話：「其實我阻唔阻止已經唔係一個問題，而家係碇司令唔放過我地。」





還珠格格聽到我咁答後，好滿意咁點一點頭，「睇黎你都算係有腦之人，係啊，你講得無錯，而家報唔報仇已經唔係一個問題，係你地點樣可以避開碇司令。」

「你要知道，碇司令呢個人，除左係想同你搶遺書，仲有一件事你都要知。」佢講得好凝重咁，而我就靜心等佢話我知。

「你應該知道時興隆有另一Ｄ人格架啦，碇司令佢知道點樣叫暴走既人格出黎。」還珠格格話，而我就答佢：「我知道，我都有見過阿妹佢暴走既人格，真係好瘋狂。」

「係，真係好瘋狂。」還珠格格邁：「但你知唔知其實時興隆唔係得一個人格，而係有四個人格。」

「四個！？」我同阿欣聽到後就嚇左一跳，然後我話：「邊四個？」





還珠格格平心靜氣同我講：「開心既小熊維尼、以及怕事既小豬、憂鬱既ＥＥＹＯＲＥ、暴走既跳跳虎。」

「下？」我同阿欣聽到後既反應都係一樣，Ｏ晒咀咁望住還珠格格，而我就話：「你講緊係小熊維尼成套卡通既人黎架ＷＯ。」

佢點一點頭話：「係，無錯，從小時興隆就無咩朋友，最鐘意既就係食時興隆零食同睇小熊維尼既卡通，可能因為自己一個人既關係，想多Ｄ人陪，所以時興隆就慢慢衍生左四個唔同既人格出黎，剛好就係卡通果四個人格，成日出現既係開心既維忍熊，亦即係正常既時興隆，然後係自己親人面前，就會出現軟弱怕事既小豬，佢會係親人面前喊。」

佢講到喊，我諗起阿妹係我面前喊過幾前，原來果陣係佢小豬既人格。

「而時興隆到達最害怕既時候，就會進入ＥＥＹＯＲＥ狀態，不過呢個情況唔會維持好耐，因為好快暴走既跳跳虎就會出現，去補護果三個人格。」還珠格格講完後，我回想返阿妹果次係我地面前暴走，「但係點解我果次見到阿妹暴走，佢係著住件ＥＥＹＯＲＥ衫。」





「因為，佢著起件衫就以為自己係ＥＥＹＯＲＥ。」還珠格格話。

唔係掛，阿妹人格入面竟然係成套小熊維尼既卡通！？叫左Ｄ人唔好鬼成日睇迪迪尼既卡通架啦，出事架嘛。