[惡搞無極限] 就係咁，我同幾個豬朋上左大陸獵金: ３４４　粉紅戰車

根據還珠格格比我地既名單，鐵扇公主同武剛天我地而經搵左，而名單上面有三個人係未搵，包括還珠格格。

點解我咁講，因為佢將自己既寫左上去，而且係佢個名旁邊既地址，唔係英紅吧，又唔係果陣搵到佢既書城，而係另一個地方。

唔通佢係想我地去果度搵佢？我問左勞斯萊斯既意見，不竟佢跟還珠格格做過野，點都會知佢既處事方法。

而勞斯萊斯都話佢咁做一定有原因，但係叫我唔好即刻搵佢住，要搵左另外兩個人先。

然後過左半日，勞斯萊斯就比左三個確實既地址我地，我見到果三個地址，先選擇左最近果個離開地有一日車程既地方。





「你地而家邊個開車去？」勞斯萊斯問我。

我本身唔識開車，一定唔會係我啦，而我望一望身邊既阿欣，佢不知幾咁興奮望住我，眼神流露出揀我揀我。

但係如果比得阿欣開，我條命一定凍過水，所以一定唔可以比阿欣開，「我地兩個都唔識開。」阿欣聽到我呢句後好失望咁低下頭。

「唔緊要啦，我車你地去，開我架溝仔戰車去。」我諗勞斯萊斯一定係講既佢果架粉紅色既跑車。

「溝仔戰車？」我望住佢話：「你而家唔係有ＭＡＮ姐咩？你開架溝仔戰車去溝仔啊？」我講笑咁話。





而勞斯萊斯就好嬌柔咁講：「耶～好衰架你～咩都比你睇穿晒～我成日比佢睇住晒都溝唔到仔，呢次點都要把握呢個機會去。」

就係因為勞斯萊斯呢個慾望，佢做左我地既司機，仲話休息一天後出發。