[惡搞無極限] 就係咁，我同幾個豬朋上左大陸獵金: ３４３　繼續搵野

聽到阿俊呢個消息後，我真係唔相信，「阿俊，你唔好亂講ＷＯ。」

「我親眼見到架。」阿俊好辛苦咁坐係度，然後話：「我同佢一齊去搵英紅吧既前老闆果陣，佢就不停傾電話，我問佢同邊個講緊佢又唔答我，好似回避我既問題咁，直到有一晚，我想拎佢部電話睇果陣，比佢發現左，就好似驚比我發現Ｄ咩野，好快手就搶返部電話。」

阿俊講到似層層咁，我好懷疑佢所講既野，企係我身邊既阿欣都一樣。

「到我地去到勞斯萊斯叫我地對既目的地果陣，有個男人出現左，我見佢同時興隆講左Ｄ野後，就變左另一個人咁衝過黎我面前，不停咁打我，最後我就暈左，醒返果陣，就已經見到碇司令佢地望住我。」阿俊講到呢度，就好似唔想再講落去咁。

而我就問阿俊，「同阿妹講野果個人，係未成日微笑架？」





阿俊聽到後，點一點頭，而我就明白點解阿俊話阿妹係二五仔，「阿俊，你諗錯拿，果個男人係個催眠師黎架，阿妹因為比佢催眠左所以先會打你。」

佢聽到後，露出一個唔多信既表情話：「就當呢樣可以解釋到，但係你點解釋時興隆瞞住我地同其他人傾電話，又唔想比我地知？」

佢呢一問，我又真係答唔到，呢一刻，我自己都好亂，但我唔相信阿妹佢係二五仔，不過，還珠格格又講過一件事，就係碇司令佢會不昔一切去實行佢既計劃，而且每次都可以用Ｄ唔尋常既方法實行到。

唔通今次佢用左Ｄ唔知點既方法令到阿妹佢變左做二五仔？無可能既？點會呢？果個係我個妹黎架……佢點會……

「阿賢。」阿欣見到我一臉既迷茫，就同我講：「記唔記得你爸爸既遺書入面提過，你一定要相信你身邊既朋友同親人係可以幫到你。」





無錯，阿爸教我既野我點會唔記得，我係唔會相信阿妹係二五仔黎。

「阿俊，呢件事我地之後再傾，而家你係呢度養傷先，我同阿欣會繼續去搵阿爸留比我地既野。」我同阿俊講。

「咁你阿妹呢？」阿俊問。

「佢都會留係度，因為佢情況都唔多好。」我答佢。

「都好，我呢段時間睇住時興隆有Ｄ咩野怪既舉動，如果有既話，我即刻話你知。」阿俊同我講，睇黎佢都係覺得阿妹係二五仔。