[惡搞無極限] 就係咁，我同幾個豬朋上左大陸獵金: ３４７　入包廂

一踏入呢間正正店，阿欣既殺氣指數升到極點，我就好似背後跟住左個死神……唔係，應該係死神前面行緊……都唔係……總之兩個都差唔多啦。

點解會咁，因為係我左手邊有一排著我好清涼既女人，而右手邊就有一排ＳＨＯＷ晒肌既男人，而果Ｄ女人清涼程度，可以話係好似無著咁，仲若隱若現見到佢地既重要部位。

「阿賢，如果你夠膽望去左手邊既話，我可以保證你即場喪命。」阿欣用好平伏既話氣同我講，而佢捉住我既手已經大力到唔可以再大力。

「……知道。」我好聽話咁擰左個面去果一排男人度，而手係感到無比既痛楚不過唔敢出聲。

而勞斯萊斯佢就繼續享受緊無數既俊男間既互相挑逗，望住佢地呢個畫面，真係有少少想嘔。





左邊就會無命，右邊就嘔到仆街，勞斯萊斯仲話呢度係天堂，呢度簡直係我既地獄。

行到咁上下，有個女士行左過黎，「喂老闆，未見過你地ＷＯ。」好彩呢一位女士著既衫都叫做正常，唔係既話我就唔知望邊度好。

勞斯萊斯聽到呢一位女士講野後，就話：「我地係第一次黎呢度架，所以唔知度呢度會有咩野服務，但係妳唔好因為我地第一次黎就呃我地ＷＯ。」

「點會呢，我地呢度對個個客都會平等既。」果位女士話：「你地第一次黎，等我介紹Ｄ正野比你啦。」

「但妳識唔識架？我唔係非一般既人ＷＯ。」勞斯萊斯真係坦白，而果位女士仲坦白，「我睇得出啦，你唔係ＧＡＹ咁簡單。」





「妳真係叻架姐～」勞斯萊斯嬌嗲咁話，估唔到呢位女士一望就知道勞斯萊斯鍾意Ｄ咩。

而果位女士望一望我，再望一望阿欣，就話：「呢位先生真夠霸氣，出黎搵食都帶埋女朋友一齊見識，呢位小姐仲勁啦，比自己男朋友黎呢Ｄ地方塊面仲咁好笑容。」

佢講完後就好尷尬咁笑左幾聲話：「明晒架拿，你地自己招呼自己啦……姐係食自己啦下……幾位跟我黎，我帶你地去包廂到坐住先。」

阿欣聽到呢位女士既說話後，就講左句：「呢位女士都幾識做，係唔係啊阿賢？」佢既手又加力拿……「係…」我答佢。

而我就問勞斯萊斯：「喂，呢度係未真係我地要黎既地方啊？」





勞斯萊斯好認真咁望住我話：「一定係，唔好懷疑。」但係佢既認真，唔似係講緊我所講既野囉，而係好認真咁想玩囉。