[惡搞無極限] 就係咁，我同幾個豬朋上左大陸獵金: ３４８　濕晒

入到包箱我地三個一坐低，果位女士就話：「你係度等等，我即刻幫你安排……而你地兩個食唔食Ｄ野咁呢？」

「我……」「我幫你地兩個話事啦，拎呢度最出名既野過黎地，你地等等。」我都未講完我要咩，個女士就走左……

而係呢一刻，我就再三咁問勞斯萊斯：「喂，你確定我地要黎既地方就係呢度？」

勞斯萊斯就答我：「千真萬確，如果我呃你既話就呢一世都溝唔到仔。」

「車，你鍾意既係好男人既女人，又唔係鍾意男人，唔溝仔對你有咩野影響。」我話，而勞斯萊斯就答：「估唔到你又幾醒ＷＯ，我係唔鍾意男人，但係我享受追既過程。」





「唔好拉開話題先，咁我地黎呢度拉既人係邊位？」我問佢，而佢用一個你係未搞緊笑既眼神望住我，「又係你話搵最近果個，最近果個未就係花木蘭囉。」

「花木蘭……」我不解望住佢，而佢就好理直氣壯咁話：「花木蘭個故仔你未聽過咩，佢代父從軍架，姐係女扮男囉。」

「咁同呢度有咩關係？」我問。

「花木蘭係呢度最紅既女扮男啊……唔係，佢已經唔係女扮男咁簡單，佢係有女人既外表，但係入面卻係條硬漢……諗起我都濕晒啊。」勞斯萊斯露出一個好咸濕既表情，而佢所講既濕晒，係指佢流緊既口水。

「但係你講到花木蘭咁紅，我地邊有可能咁易見到佢啊。」阿欣係呢個時候問，佢有時講既野有幾有道理。





「係囉，我地邊會咁易見到佢。」我咐和。

「係ＷＯ！你地講得岩ＷＯ！」勞斯萊斯露出一個一言驚醒既樣子，「咁點算啊？」

就係呢個時候包箱既門一開，一個好俊俏既女士……唔係，應該係好美麗既男士……都唔係，我都唔知係我面前果位係男定係女，我只知道，佢呢一刻吸引到勞斯萊斯濕晒。

我指佢既口水。