[惡搞無極限] 就係咁，我同幾個豬朋上左大陸獵金: ３４９　花木蘭

果位唔男唔女既人慢慢行近我地……咦……點解我塊面咁熱既，而且個心跳得好快，唔通我對呢位唔男唔女既生物產生左興趣！？

大獲！我而家咁既樣，比阿欣見到未死……我慢慢望向阿欣，點知原來阿欣同我一樣比呢個唔男唔女既人吸引住。

勞斯萊斯？唔駛講咁多啦，頭先都話仍濕晒啦。

而果位唔男唔女既人就慢慢行近阿欣，佢用手輕托住阿欣既下巴，用佢好迷人既電眼望住阿欣講：「係呢唔理會性別關係既地方，我要同妳講一句，我已經愛上了妳，妳唔可以抗拒，因為，我知道妳都已經愛上左我。」

佢地既臉愈黎愈接近，近到，就快錫到，「ＣＯＭＥ　ＯＮ　ＢＡＢＹ，唔好抗拒，唔好抑壓住自己既慾望，ＫＩＳＳ　ＭＥ。」





我係呢一句後，好似成個醒晒咁，ＫＩＳＳ　ＭＥ？果個係我條女黎架，我唔理果個人係未女，都唔可以係我面前鍾我條女架。

所以我衝左過去推開左果位唔男唔女既人，然後搖醒左阿欣，而阿欣係我咁做之下，真係回復正常，「頭先發生咩事啊？」

「真係……差少少咋。」比我推開既果位唔男唔女既人慢慢行到我身後，拍一拍我膀頭，「你都幾勁ＷＯ，可以自己強行破解我既迷術。」

迷術！？姐係呢個人頭先將我地三個迷到左？

「你地好，我叫做花木蘭，係呢度既紅牌。」呢位唔男唔女既人話，然後行到勞斯萊斯面前，摸一摸勞斯萊斯塊面，勞斯萊斯即時成個人挨係佢身上，「不論男女，我都無問題。」