[惡搞無極限] 就係咁，我同幾個豬朋上左大陸獵金: ３５１　直接發問（補返更新）

花木蘭雖然同勞斯萊斯玩緊，但佢不時望向我同阿欣呢度，而且同阿欣不停眉來眼去。

雖然佢係女人姐，但係我面前都咁夠膽同我氣女眉來眼去，我唔比ｄ火佢睇就係男人黎既，「妳睇撚夠未啊！」我大喝左一句後，估唔到阿欣就打左我一下話：「做咩姐，人地禮貌地望黎呢邊，做咩咁惡啊。」

下？禮貌？意淫就差唔多，邊有人望人望到呻晒利架。

「係囉，我係禮貌地望要呢位小姐架，佢咁靚女，點可以唔望住啊。」花木蘭講完後，又對阿欣笑左笑。

我好後悔揀左黎呢度……





「喂！勞斯萊斯！我地黎呢度唔係剩係掛住玩架！仲要搵阿爸封遺書架！」我忍唔住我既怒火大叫左出黎。

而在場既人都好似無咩點理我，勞斯萊斯繼續枕左係花木蘭既大脾上面，阿欣繼續望住花木蘭，相反地，花木蘭聽到我咁講後，就好認真咁問我：「遺書？」

我對佢點一點頭，然後佢就行到門旁邊，「你咁快要走拿？」勞斯萊斯同阿欣齊聲問，而花木蘭就將本來校得好暗既燈整返光ｄ，然後好認真望住阿欣，「都唔似既。」

我明白佢呢句說話：「佢唔係相中入面果個人。」佢一定以為阿欣就係大寶果陣交遺書比佢果陣，比左張相佢用黎以後相認既人，但無奈而家阿妹精神情況唔適合呢度。

我行到佢既面前同佢講：「好似相入面果個人係我阿妹，大寶係佢舅父，但係我阿妹佢而家出左ｄ事唔可以黎呢度見妳，所以就得我黎左。」





花木蘭上下大量左我一下後就話：「如果照大寶所講，你阿妹似相入面既人的話，咁你同你阿妹都幾唔似樣下ｗｏ，而且你阿妹咁靚，點解你咁樣衰架。」

我聽到佢咁講後，唔知點解有一種想打佢既衝動。